Thursday, May 29, 2014

За симпозиумот во Хрватска

Драги колешки колеги,
Како што веќе објавив претходно на 23 и 24 мај 2014 година во „Стара школа„, Мирковец, Република Хрватска се одржа симпозиумот под наслов „Современи медицински ставови за трисомија 21 и аутизам„. На симпозиумот имаше 80-тина регистрирани учесници. Технички организатор беше фирмата Проконвента од Хрватска која придонесе за поголема професионалност во организациските активности. Од Македонија ппокрај мене излагања имаа Стојан Андонов, м-р Емилија Георгиева и Николче Нешевски. За тие 2-3 дена имавме прилика да чуеме одлични предавања, во неформална атмосфера да се подружиме, да зазпознаеме нови колеги и да воспоставиме нови контакти. Времето одлично, ако се има предвид дека претходните денови во Скопје беа есенски. Клима поволна загорска, но со многу полен штетен по моето здравје :) Голема благодараност до двете госпоѓи: претседателката и потпретседателката на Трисомија 21 Загреб госпоѓата Меловник Зрињски и госпоѓата Рац Колариќ за нивниот огормен напор, енергија и воља да се организира вакво нешто во Хрватска. Би требало овој симпозиум да прерасне во традиција само прашање е дали да се повторува секоја година, на две или три години. Моето мислење е дека треба да се одржува поретко. Тие што дојдоа не зажалија заради позитивната атмосфера. На учесниците им беа доделени сертификати за учество бодирани од Лекраската комора на Хрватска. 
Ќе останам достоен на својата практика да ги правам моите предавања со отворен пристап. Моето предавање под наслов „Поврзаноста на Даун синдром и атутизам„ е поставено на slideshare што може да се види на претходниот линк. Доколку не сте ги виделе фотографиите тоа ќе можете да го сторите на мојот Фејсбук профил. Конечно да го споделам и предавањето од јутјуб. Тоа трае 30 минути и се надевам дека ќе ви се допадне. Благодарност до мојот пријател Стојан Андонов за снимањето и обработката на видео материјалот.
Претседател на советодавното тело на Трисомија 21 Загреб

 

Резултати од испитите МОИ и ХГ - 29.05.2014

Почитувани студенти,
Ви ги проследувам резултатите од утринските испити по Медицински основи на инвалидноста и Хумана генетика. Честитки до положените студенти кои дополнително ќе бидат информирани за пишиување на оцени.
Предметен наставник

Wednesday, May 28, 2014

Резултати од испитот ФФА - 28.05.2014

Почитувани студенти од Институт за дефектологија,
Во прилог се резултатите од утринскиот испит по Физиологија со функционална анатомија. Жалосно, но тие се незадоволителни. Уште потрагично е што некои студенти и покрај моите замолници за небркање ургенции, тие си ја пробуваат среќата па уште лично ми се појавуваат во кабинет заедно со ургенцијата. Епа, еве сега видовте дека не може така и сега што правиме како ќе ми се појавите пред очи? Засрамете се!
Предметен наставник

Резултати од испитите Генетика и Физиологија - 28.05.2014

Почитувани студенти од Институт за психологија,
Во прилог се резултатите од испитите по Генетика и Физиологија одржани утрово. Честитки до положените кандидати. За пишување оцени терминот ќе биде дополнително соопштен на овој блог.
Предметен наставник

Tuesday, May 27, 2014

Список на менторства за дипломски работи

Почитувани колешки и колеги,
Сакам да го споделам со вас списокот на моите менторства за дипломски трудови почнувајќи од 19.11.2003, заклучно со 27.05.2014 година. Deset i pol godini naporna, no blagodarana rabota. Во наредниот период ќе ги има уште, но еве да се потсетиме кој се' дипломирал под мое менторство и на кои теми. Вкупно досега се 37 студенти, што не e ни многу, ни малку. Токму си е бројот. Списокот е овде, ако сака некој да го погледне.
Менторот

Monday, May 26, 2014

Некои напомени за моите дипломци

Драги мои Дипломци,
Се ближи јуни и чувствувам потреба да ви се обратам и да ви дадам некои напомени. Досега бевте зафатени со полагање на вторите колоквиуми, а некои од вас може и ќе имаат испити, но јуни месецот во кој многумина од вас сакаат да дипломираат е на дофат и тој се приближува со голема брзина. Доколку сакате да дипломирате во јуни, ќе мора да забрзате во шеста брзина. Да се жртвувате од многу овоземски добра, како киснење на ФБ, излегување по кафиња, дружби и слични работи кои ќе ви ја одзмеаат концентрацијата, енергијата и времето. Доколку сакате да браните дипломска работа во јуни ќе треба најдоцна до 10 јуни да ми ја предадете првата верзија, а зошто да не и порано? Доколку немате најдено статистичар, ќе можам јас да ви препорачам колешка која ќе ви ја изработи за 2000-3000 денари зависно од обемот на работа. Очекувам коректно завршено истражување без штимање на резултати и без плагијати. Цитирањето оди по Ванкуверски стил, погледнете го линкот каде ви се дадени примери за цитирање и наведување литература.Обемот на дипломскиот труд не треба да надминува 50 страници од кои една третина отпаѓа на теоретскиот ден, а другите две третини на истражување, дискусија, заклучоци и препораки. Презентацијата во програмите power point, Prezi и слично не треба да содржи повеќе од 20-25 слајдови и треба да се подготви во времетраење од 20 минути. Не е лошо да стапите во контакт со некои мои поранешни дипломци и од нив да добиете дополнителни сознанија. Одбраните на вашите дипломски трудови ќе се движат од 20 до 30 јуни, со можност за мали поместувања некој ден понапред или понатаму. Доколку сакате да видите урнек на дипломски труд, на овој блог, вчукајте го во полето за пребарување зборот „дипломски„ или „дипломска„ и ќе излезе некој труд. За жал од почетокот на мај не е во функција мојот стар блог каде што имаше мноштво на добри дипломски трудови. Сите оние кои нема да стигнат да ги завршат своите истражувања во јуни, нека не очајуваат еве го август и септември. Ништо страшно. Доколку сакате највисока оцена мора да опстоите на овие барања. Ви стојам на располагање за сите дополнителни прашања.
Срдечно,
Менторот

Sunday, May 25, 2014

Распоред на испити во летна и есенска сесија - втор циклус студии

Почитувани постдипломци,
На следниот линк се наоѓа распоредот на испити за престојната летна сесија кај сите професори. Ви посакувам успешна сесија.
Еден од наставниците

Распоред на испити во летна и есенска сесија - прв циклус студии

Почитувани студенти,
Во прилог е распоредот на испити во летната и есенската испитна сесија. Ви посакувам голем успех во престојната сесија. Овој распоред се однесува на студентите од Институтот за дефектологија, а не и на студентите од Институтот за психологија.
Еден од наставниците

Wednesday, May 21, 2014

Моето второ предавање во Гевгелија - 7 мај 2014

Почитувани колешки и колеги,

Веќе ви говорев дека Фондацијата “Аполонија”, во партнерство со Македонско научно здружение за аутизам, го имплементира проектот "Програма за целосна социјализација на деца со посебни потреби во нивните заедници", финансиран од Европската Унија преку Европскиот инструмент за демократија и човекови права. На форумот за родители на деца со аутизам на 7 мај во хотел Аполонија во Гевгелија говорев на тема: Биомедицински и АБА третман - решение за успех. Одржав 90 минутно предавање, по што се разви плодна 40 минутна дискусија. Предлагам да ги погледнете видеоматеријалите од тој настан кои се постирани по принципот на отворен пристап.
Претседател на МНЗА






Monday, May 19, 2014

Протокол за лица со аутизам

Почитувани постдипломци,
Во прилог е протоколот за лица со аутизам што ќе ви треба за приказ на случај.
Предметен наставник

Saturday, May 17, 2014

Список на ЕКТС поени - МОИ 2014

Почитувани студенти од прва година,
Во прилог ви е ветениот список на освоени ЕКТС поени по предметот Медицински основи на инвалидноста. Само две студентки успеаа да го положат испитот преку колоквиуми и активности од кои едната е условно и уште има задачи кои треба да ги заврши. Сите кои се во црвена боја означени ќе треба да дојдат да земат активности кои ќе треба да ги завршат најдоцна 3-4 недели пред да го полагаат испитот. Студентите што се во зелено немаат право на потпис доколку се редовни, а доколку се вонредни и тие треба да земат активности. Инаку сите вонредни студенти кои досега имаат земено задачи, ќе треба да се јават да ги одговараат истите во ден кога е назначено земање на 15 ЕКТС поени на овој блог. Доколку некој мисли дека сум згрешил во внесувањето поени (иако многу внимавав и мислам дека шансите за такво нешто се минимални) слободно нека се јави да видиме дали постои некоја грешка. Доколку сакате веднаш да земете задачи во понеделник термините за таа намена се: од 08:30 до 10:30 и од 13:00 до 14:30 часот. Нека ви е со среќа подготвувањето на испитите по сите предмети.
Предметен наставник

Friday, May 16, 2014

За симпозиумот во Хрватска

Почитувани колешки и колеги,
Иако поприлично болен решив да ви напишам нешто за престојниот симпозиум што ќе се одржи во „Стара школа„ во Хрватска на 23 и 24 мај. Симпозиумот носи наслов: „Современи медицински ставови за трисомија 21 и аутизам„. Симпозиумот е наменет за сите стручњаци кои работат со лицата со Даун синдром и аутизам. На симпозиумот со интересни теми ќе настапат колеги од Хрватска, Словенија, Германија и секако Македонија. Ќе бидат опфатени медицинските, дефектолошките, логопедските, психолошките и правните аспекти на Даун синдромот и аутизмот. Хрватската лекарска комора и другите струкови комори симпозиумот го бодираат со високи поени, така што добиените сертификати можат да ви послужат во вашата континуирана едукација. Јас ќе ја презентирам темата: Поврзаноста на Даун синдромот и аутизмот. Повеќе информации ќе можете да најдете на официјалните страници на организаторите Трисомија 21 и Проконвента како и на Фејсбук страницата посветена на симпозиумот. Ги поканувам сите заинтересирани колеги и колешки да ни се придружат на овој значаен симпозиум.
Предавач на симпозиумот

Tuesday, May 13, 2014

The Familial Risk of Autism

Sven Sandin, MSc; Paul Lichtenstein, PhD; Ralf Kuja-Halkola, MSc; Henrik Larsson, PhD;
Christina M. Hultman, PhD; Abraham Reichenberg, PhD

IMPORTANCE Autism spectrum disorder (ASD) aggregates in families, but the individual risk
and to what extent this is caused by genetic factors or shared or nonshared environmental
factors remains unresolved.
OBJECTIVE To provide estimates of familial aggregation and heritability of ASD.
DESIGN, SETTING, AND PARTICIPANTS A population-based cohort including 2 049 973
Swedish children born 1982 through 2006.We identified 37 570 twin pairs, 2 642 064 full
sibling pairs, 432 281 maternal and 445 531 paternal half sibling pairs, and 5 799 875 cousin
pairs. Diagnoses of ASD to December 31, 2009 were ascertained.
MAIN OUTCOMES AND MEASURES The relative recurrence risk (RRR) measures familial
aggregation of disease. The RRR is the relative risk of autism in a participant with a sibling or
cousin who has the diagnosis (exposed) compared with the risk in a participant with no
diagnosed family member (unexposed).We calculated RRR for both ASD and autistic disorder
adjusting for age, birth year, sex, parental psychiatric history, and parental age.We estimated
how much of the probability of developing ASD can be related to genetic (additive and
dominant) and environmental (shared and nonshared) factors.
RESULTS In the sample, 14 516 children were diagnosed with ASD, of whom 5689 had autistic
disorder. The RRR and rate per 100 000 person-years for ASD among monozygotic twins was
estimated to be 153.0 (95%CI, 56.7-412.8; rate, 6274 for exposed vs 27 for unexposed ); for
dizygotic twins, 8.2 (95%CI, 3.7-18.1; rate, 805 for exposed vs 55 for unexposed); for full
siblings, 10.3 (95%CI, 9.4-11.3; rate, 829 for exposed vs 49 for unexposed); for maternal half
siblings, 3.3 (95%CI, 2.6-4.2; rate, 492 for exposed vs 94 for unexposed); for paternal half
siblings, 2.9 (95%CI, 2.2-3.7; rate, 371 for exposed vs 85 for unexposed); and for cousins, 2.0
(95%CI, 1.8-2.2; rate, 155 for exposed vs 49 for unexposed). The RRR pattern was similar for
autistic disorder but of slightly higher magnitude.We found support for a disease etiology
including only additive genetic and nonshared environmental effects. The ASD heritability
was estimated to be 0.50 (95%CI, 0.45-0.56) and the autistic disorder heritability was
estimated to 0.54 (95%CI, 0.44-0.64).
CONCLUSIONS AND RELEVANCE Among children born in Sweden, the individual risk of ASD
and autistic disorder increased with increasing genetic relatedness. Heritability of ASD and
autistic disorder were estimated to be approximately 50%. These findings may inform the
counseling of families with affected children.

JAMA. 2014;311(17):1770-1777. doi:10.1001/jama.2014.4144

15 ЕКТС поени - мај 2014

Почитувани студенти,
Сите вие кои имате неосвоени 15 ЕКТС поени ве поканувам утре среда 14.05.2014 во периодот од 11:00 до 14:00 часот да си ја завршите таа задача.
Предметен наставник

Резултати од вториот колоквиум МОИ - 13.05.2014

Почитувани студенти,
Во прилог се резултатите од утринскиот колоквиум по Медицински основи на инвалидноста. За жал ти не се многу задоволителни. Од трите преостанати студентки, само една го помина вториот колоквиум и се стекна со право за оцена. Колоквиумот се положува со освоени најмалку 18 поени.

1. 23097/13   20 поени
2. 23176/13   15.5 поени
3. 23119/13   12.5 поени

Предметен наставник

Sunday, May 11, 2014

Напомени за колоквиумска недела и добивање потписи

Почитувани студенти,
Од утре започнува последната недела за овој семестар и за оваа академска година. Во вторник на 13.05.2014 во 08.30 ќе се реализира вториот колоквиум по предметот Медицински основи на инвалидноста. Истиот ден до 16.00 часот ги чекам презентациите на пријавените студенти за семинарот. Веќе примив некои презентации, но бидејќи има некои недоследности, би сакал уште еднаш да ве потсетам  за именувањето на фајловите. Потребно е да напишете: име презиме-наслов на темата-МОИ.
Во четврток на 15.05.2014 во 08.30 часот ќе започне семинарот по МОИ за што ќе добивате плусови за присуство по предавања. По завршување на истиот се делите во две групи за добивање потписи што ќе биде заведено во присуство за вежби. Ве молам да се придржувате на овие напомени.
Предметен наставник

Предавања за аутизам кои не смеат да ги пропуштат постдиплоците

Почитувани постдипломци,
Како што ви ветив денес на предавањето ви ги проследувам моите предавања за аутизам кои би требало да ги погледнете.
Предметен наставник









Friday, May 9, 2014

Моето предавање во Гевгелија одржано на 18 март 2014

Почитувани колешки и колеги,
Бидејќи ги добив видеата пред 2 дена од колегите од фондацијата Аполонија со кои имаме заеднички проект решив да ги споделам со сите оние кои немаа можност тој ден да бидат со нас таму. Предавањето се одржа на 18.03.2014 година во хотел Аполонија во Гевгелија. Насловот на предавањето беше: „Преглед на инвалидноста, заеднички карактеристики и корисни совети„. Тоа заедно со дискусија траеше 2 часа и 15 минути и во прилог ви ги проследувам видеата од настанот. Погледајте ги ако сакате.
Претседател на МНЗА




Sunday, May 4, 2014

Член на научниот одбор на меѓународна конференција во Нови Сад

Почитувани колешки и колеги,
Имам пријатно задоволство да ви соопштам дека ќе бидам член на научниот одбор на реномираната меѓународна конференција што ќе се одржи на 14 јуни во Нови Сад, Србија под наслов: „Дефектолошка работа со деца во рана возраст - превенција, (ре)хабилитција и социјална интеграција„. Имено пред неколку дена ме контактираа колешките госпоѓа Маринела Шќепановиќ и госпоѓа Весела Миланков од Нови Сад. Во оваа пригода им благодарам за поканата. Секако дека прифатив да бидам дел од една вака интересна конференција. Договорена е соработка за уште една конференција на 15 ноември каде ќе бидам и пленарен предавач на тема: „Здравствена заштита на лицата со интелектуална попреченост и аутизам во Република Македонија„. Повеќе информации за конференцијата како и пријава за истата можете да најдете на веб страницата на Друштвото на дефектолози на Војводина. На вас останува драги мои да се одлучите дали ќе одите на јунската или ноемвриската конференција.
Член на научен одбор

Тринаесетто предавање МОИ - 06.05.2014

Драги студенти,
Во вторник на 6 мај Ѓурѓовден ќе го одржам последното предавање по предметот Медицински основи на инвалидноста за овој семестар. Ќе предавам за глауком и амблиопија. Во прлиог ви линкувам неколку видео клипови со таа тематика.
Предметен наставник