Sunday, June 28, 2015

Плагијаторството во науката во Македонија

Почитувани колешки и колеги,
Како што напишав пред некој ден на мојот Фејсбук профил дека имам нулта толеранција кон плагијаторство, тоа сакам и да го појаснам со овој блог пост. Имено, колеги и колешки професори на Факултетот за медицински науки имаат направено класичен плагијат на дипломски труд од колешката Билјана Теовска дипломец на Институтот за дефектологија во јуни 2011 година. Авторите Гордана Панова, Л. Николовска, Б. Панова, Н. Панов, Г. Шуманов и С. Јовевска буквално го имаат плагирано дипломскиот труд под наслов ПРЕДИКТОРИ НА ИНВАЛИДНОСТА КАЈ ПАЦИЕНТИ НА ХЕМОДИЈАЛИЗА од Билјана Теовска одбранет во јуни 2011 година на Филозофскиот факултет при Универзитетот Св. Кирил и Методиј во Скопје. Сите заинтересирани што сакаат да го погледнат трудот можат да кликнат на погорниот линк.Овие „колеги" тоа го имаат сторено најмалку два пати на конгреси во Фојница (БиХ) и во Охрид (Македонија) на 42-ри октомвриски средби на Здружение на лаборанти и санитарни техничари на Република Македонија.

Ова е флагрантно кршење на принципите на академски интегритет и претставува крајно недолично и непрофесионално однесување на колеги професори кои плагираат студентски труд. Нема ништо посрамно и попонижувачко од ова редовни професори и други колеги целосно да преземат еден дипломски труд. Преземени се цели делови од вовед, методологија, табелите се исти, па дури и печатните грешки кои ги направила кандидатката, како на пример: во табела 2 (дијализана хипотонија) што претставува дно на македонската наука. Препишани се сите први 19 референци кои се идентични како и кај мојата кандидатка. Се прашувам од каде логопед и епидемиолог, на другите професори не им ги знам потесните подрачја имаат врска со пациенти на хемодијализа и тоа во центарот за хемодијализа во Чаир од Скопје? Истите овие колеги дрско и безобразно си го преземаат овој труд како свој и си го наведуваат на сопствените Google Scholar профили што претставува крајно непрофесионален однос.
Почитувани пријатели, ова е срамен чин и треба да бидат „колегите" изнесени пред етички одбор или комитет и таму да добијат соодветни дисциплински мерки. Јас веќе упатив писма до Ректорот на УГД и до Деканот на Факултетот за медицински науки во Штип, од кој експресно добив позитивен одговор дека ќе се заложи за решавање на овој горлив проблем во науката. За жал МОН како најодговорен се уште нема формирано етички одбор како што е тоа го има во Хрватска, на пример.
Плагијатите постоеле и ќе постојат, но наша должност како професори е да стоиме на браникот на науката, да не дозволуваме вакво недолично однесување и да ги учиме нашите студенти на тоа што е исправно во светот на научното објавување, а што не е.
Менторот

Пишување оцени - 29.06.2015

Почитувани студенти,
Ве информирам дека утре (понеделник) 29.06.2015 во периодот од 10:00 до 13:00 часот ќе пишувам оцени во мојот кабинет. Заради избегнување на секаков вид манипулации или грешки пожелно е да дојдете лично. Но, ако некои студенти предвремено го напуштиле главниот град и морале од разно-разни причини да се упатат во своите родни огништа, тогаш дозволувам индексот да го дадат само на колега или колешка кои за мене се добро познати. На непознати лица не пишувам оцени. Имајќи во вид дека се ближиме кон летните одмори, ова ќе биде вториот и последен ден за оваа сесија наменет за пишување оцени.
Предметен наставник

Saturday, June 27, 2015

Проф. д-р Владимир Трајковски вечерва гостин во ноќната програма на радио Скопје

Почитувани колешки и колеги, драги пријателки и пријатели,
Вечерва ќе ми биде чест да бидам гостин на ноќната програма на радио Скопје со една од подобрите новинарки во РМ госпоѓа Камелија Шојлевска. Емисијата започнува во 22:30 часот и со музички нумери и вести помеѓу ќе трае до 01:00 часот по полноќ. Јас знам дека радиото не е толку популарен медиум како во 90-тите години на минатиот век, кога само во Скопје имаше триесетина радио станици, но исто така знам дека луѓето кои се трета смена редовно ги следат ноќните програми на радио Скопје. Ќе говориме во опуштена атмосфера за сите аспекти на аутизмот. Ве поканувам на фреквенциите 97.30, 98.90 MHz и многу други или доколку не сте од Скопје и од Македонија да не` следите во живо на интернет на следниот линк.
Претседател на МНЗА

New citations to my articles

Почитувани колешки и колеги,
Сакам да ве известам дека нашиот труд Ljubic A, Trajkovski V, Stankovic B. Strabismus, refractive errors and nystagmus in children and young adults with Down syndrome. Ophthalmic Genet 2011;32:204‑11 е цитиран во Oman Journal of Ophthalmology 2015; 8(2): 97-101. Истиот е цитиран под реден број 20 и може да се симне како пдф формат на долниот линк.

[HTML] Visual function of children with visual and other disabilities in Oman: A case series

U Gogri, S Al Harby, R Khandekar - Oman Journal of Ophthalmology, 2015
Background: We assessed visual functioning of the children with special needs in Oman
between 2009 and 2012. We present the methods of assessing different visual functions,
outcomes and interventions carried out to improve their functioning.

Нека ни е честито на групата автори!

Tuesday, June 23, 2015

Резултати од испитот ХГ - 23.06.2015

Почитувани студенти,
Во прилог се резултатите од утринскиот испит по Хумана генетика. Само три го положија испитот со 36 поени или повеќе. Две студентки се пуштени условно и истите ќе треба да дојдат на устен испит во петок на 26 јуни во 07:45 часот. Кај некои студенти се забележува напредок, но потребно е уште малку учење. Има поголема група студенти кои не го ни отвориле учебникот.

Реден број
Број на индекс
Бодови
Оценка
1.       
23090/13
43.5
7
2.       
8529/14
36
6
3.       
22144/10
36
6
4.       
7012/10
34.5
условно
5.       
23276/14
34
условно
6.       
23146/13
32.5
5
7.       
8597/14
31.5
5
8.       
7088/11
31
5
9.       
8566/14
30.5
5
10.   
7102/11
30
5
11.   
23145/13
30
5
12.   
23138/13
27.5
5
13.   
7874/12
27.5
5
14.   
8580/14
24
5
15.   
8390/13
23.5
5
16.   
23092/13
22.5
5
17.   
7007/10
21
5
18.   
7904/12
19.5
5
19.   
7885/12
19
5
20.   
22108/10
18
5
21.   
7004/10
17
5
22.   
8585/14
16
5
23.   
22803/12
14.5
5
24.   
7111/11
14
5
25.   
22132/10
13.5
5
26.   
6981/10
13
5
27.   
7906/12
12
5
28.   
8493/13
11
5
29.   
7880/12
11
5
30.   
8185/12
11
5
31.   
23155/13
10.5
5
32.   
23115/13
10
5
33.   
6982/10
9.5
5
34.   
21480/09
9
5
35.   
7095/11
8.5
5
36.   
7888/12
7.5
5
37.   
7871/12
7.5
5
38.   
7879/12
6.5
5
39.   
7044/10
6.5
5
40.   
7905/12
5.5
5
41.   
8189/12
4.5
5
42.   
21366/09
0
5

Предметен наставник