Wednesday, April 28, 2021

Термини за испити за прв циклус студии во јунската сесија - 2021

 Почитувани студенти, 

Во прилог ви ги праќам термините за полагање на моите испити во јунската сесија 2021 година за студентите од прв циклус. Како што стојат работите со пандемијата Ковид-19, најверојатно е дека испитите ќе се полагаат по електронски пат. Но, јас како предметен наставник го задржувам правото да го променам начинот и терминот заради присуство на виша сила или други фактори. Вие сте должни да го следите овој блог заради евентуални промени и за да добиете напомени за платформата на која ќе се изврши полагањето.

Прва декада
01.06.2021  ХГФ во 08:00 часот
01.06.2021  ФФА во 09:00 часот

03.06.2021 ХГ во 08:00 часот
03.06.2021 МОИ во 09:00 часот

Втора декада
14.06.2021 ХГ во 08:00 часот
14.06.2021 МОИ во 09:00 часот

16.06.2021  ХГФ во 08:00 часот
16.06.2021  ФФА во 09:00 часот

Предметен наставник

Friday, April 23, 2021

Рок за предавање на семинарски по предметот АСН

Почитувани постдипломци,

Сакам да ве известам дека рокот за предавање на семинарските трудови по предметот Аутистичен спектар на нарушувања е 5 мај 2021 година. Семинарската е задолжителна за сите постдипломци и се предава во електронска верзија, а за тие што живеат во Скопје по можност и во цврста копија се остава во мојот фах во библиотеката на ИСЕР. Семинарската тие што ми ја пратија по е-пошта треба да ја закачат на Мајкрософт Тимс. Како што се договаравме и претходно во периодот од 11 до 31 мај очекувајте и вебинар на Мајкрософт Тимс, каде во 10 минути треба да ги изложите вашите теми. Ова е услов за да може да полагате испит во јунската сесија. Дури и тие што нема да полагаат во јунската сесија пожелно е сега да ја завршат оваа обврска за да не им останува за понатаму.

Предметен наставник

Thursday, April 22, 2021

Аутизам - мистериозниот предизвик на 21-от век

Почитувани колешки и колеги, драги студенти,

Денес, на покана на Македонската медицинска студентска асоцијација (ММСА) ќе предавам на нивниот вебинар под наслов: „Аутизам - мистериозниот предизвик на 21-от век“, што ќе се одржи на платформата ЗУМ, а ќе се пренесува преку нивната Фејсбук страница. Повеќе за настанот ќе може да прочитате ОВДЕ. Настанот ќе започне во 18:00 часот, а насловот на мојата презентација е: „Што треба еден студент на Медицина да знае за аутизмот“. Доколку не сте се пријавиле, сторете го тоа со кликање на копчето GOING на настанот на Фејсбук. За вебинарот постои огромен интерес и затоа сите оние кои нема да можат да се приклучат на ЗУМ, нека го следат на Фејсбук во живо.

Во оваа пригода сакам да се заблагодарам на ММСА и на студентката Симона Ристовска за поканата да бидам предавач на нивниот вебинар. Искрено се надевам дека ќе бидат задоволни студентите од Медицински факултет - Скопје со тоа што ќе го слушнат денес попладне.


Претседател на МНЗА


Monday, April 19, 2021

Вебинар со проф. д-р Фред Волкмар - 19.04.2021

Почитувани колешки и колеги,

Како што веќе беше претходно објавено, наредниов период започнуваме со серијата вебинари – светските експерти за аутизмот од престижни универзитети. Денес на 19 април гостин ни е проф. д-р Фред Волкмар во 18:00 часот. Тој ни доаѓа од Јејл универзитетот кој е трет по рангирање во САД и осми во светот за 2021 година.
Постоеше огромен интерес и заради тоа не сме во можност на сите да им обезбедиме ЗУМ линк. Ве молиме тие што го добија линкот да се приклучат на вебинарот најдоцна до 17:55 часот. Притоа вашите микрофони и камери да бидат исклучени за цело време на презентацијата. На крајот од предавањето ќе има дозволено прашања и дискусија и тогаш ќе можете да се вклучите со аудио и видео или да поставите прашање преку четот.

Сите останати кои сакаат да го следат вебинарот во живо, а нема да ја имаат таа можност да го следат преку ЗУМ, ќе може тоа да го сторат преку официјалниот Јутјуб канал на МНЗА и официјалната Фејсбук страница на МНЗА.


За вториот вебинар со проф. д-р Мануел Казанова што ќе се одржи на 26 април има уште 5 места останато на ЗУМ. Пријавувањето е задолжително преку Гугл формуларот.

Ви благодариме на довербата.

Со почит,

Претседател на МНЗА