Покана за научен вебинар - 19.06.2025

Почитувани колешки и колеги,

Со големо задоволство ве поканувам на научниот вебинар во рамките на CUPID проектот насловен како: „Кон еднаквост во здравствената заштита – новости од акцијата CUPID COST“.

📅 Датум: 19.06.2025

⏰ Време: 10:00 CEST

🌍 Платформа: ZOOM

Овој вебинар ќе ги содржи клучните новости од акцијата CUPID COST, истакнувајќи ги напорите за промовирање на еднаков пристап до здравствена заштита кај различни популации. Експертите во областа ќе дискутираат за актуелните предизвици, истражувачките наоди и иновативните пристапи насочени кон намалување на нееднаквостите и обезбедување подобри здравствени резултати.

Придружете ни се на ангажирачка сесија каде што водечките истражувачи и практичари ќе ги споделат своите сознанија и експертиза. Ова е вредна можност да се поврзете со професионалци со слични размислувања, да придонесете во дискусијата и да истражите потенцијални соработки. За да добиете ЗУМ линк мора да го потврдете вашето учество со регистрација на Гугл формуларот. Вебинарот е бесплатен, но регистрацијата е задолжителна.

Со нетрпение го очекуваме вашето присуство и придонес во дискусијата!

Со почит,
Раководител на WG4 групата

Покана за вебинар: Кон еднаквост во здравствената заштита - Ажурирања од CUPID COST акцијата

Почитувани колешки и колеги, драги студенти,

Имам задоволство да ве поканам на научниот вебинар со наслов: „Кон еднаквост во здравствената заштита - ажурирања од CUPID COST акцијата“ што ќе се одржи на 19 јуни на платформата ЗУМ со почеток во 10:00 часот. Учеството е бесплатно, но за да добиете линк, задолжително треба да се пријавите на Гугл Формуларот. Во продилжение можете да ги најдете постерите за поканата и програмата на настанот.

Заменик раководител на CUPID COST акцијата

Вебинар АСН за постдипломци

Почитувани постдипломци,

Сите вие кои запишавте постдипломски во октовмри и февруари последната академска година и оние кои имаа отсуства од минатата генерација и добија задачи за да ги поправат тие минуси, ќе треба да ги презентираат задачите по 18 мај. До 18 мај можете да ги прикачувате вашите задачи во Мајкрософт Тимс во предметот АСН каде има посебен фолдер. Датумот ќе биде објавен на овој блог, а вие ќе треба да имате подготвено презентација во времетраење од 10 минути. Обврската е задолжителна за сите постдипломци кои слушаат АСН и немаат освоено доволно поени.

Предметен наставник

Аутизам - мистериозниот предизвик на 21-от век

Почитувани колешки и колеги, драги студенти,

Денес, на покана на Македонската медицинска студентска асоцијација (ММСА) ќе предавам на нивниот вебинар под наслов: „Аутизам - мистериозниот предизвик на 21-от век“, што ќе се одржи на платформата ЗУМ, а ќе се пренесува преку нивната Фејсбук страница. Повеќе за настанот ќе може да прочитате ОВДЕ. Настанот ќе започне во 18:00 часот, а насловот на мојата презентација е: „Што треба еден студент на Медицина да знае за аутизмот“. Доколку не сте се пријавиле, сторете го тоа со кликање на копчето GOING на настанот на Фејсбук. За вебинарот постои огромен интерес и затоа сите оние кои нема да можат да се приклучат на ЗУМ, нека го следат на Фејсбук во живо.

Во оваа пригода сакам да се заблагодарам на ММСА и на студентката Симона Ристовска за поканата да бидам предавач на нивниот вебинар. Искрено се надевам дека ќе бидат задоволни студентите од Медицински факултет - Скопје со тоа што ќе го слушнат денес попладне.

Претседател на МНЗА

Вебинар со проф. д-р Фред Волкмар - 19.04.2021

Почитувани колешки и колеги,

Како што веќе беше претходно објавено, наредниов период започнуваме со серијата вебинари – светските експерти за аутизмот од престижни универзитети. Денес на 19 април гостин ни е проф. д-р Фред Волкмар во 18:00 часот. Тој ни доаѓа од Јејл универзитетот кој е трет по рангирање во САД и осми во светот за 2021 година.

Постоеше огромен интерес и заради тоа не сме во можност на сите да им обезбедиме ЗУМ линк. Ве молиме тие што го добија линкот да се приклучат на вебинарот најдоцна до 17:55 часот. Притоа вашите микрофони и камери да бидат исклучени за цело време на презентацијата. На крајот од предавањето ќе има дозволено прашања и дискусија и тогаш ќе можете да се вклучите со аудио и видео или да поставите прашање преку четот.

Сите останати кои сакаат да го следат вебинарот во живо, а нема да ја имаат таа можност да го следат преку ЗУМ, ќе може тоа да го сторат преку официјалниот Јутјуб канал на МНЗА и официјалната Фејсбук страница на МНЗА.

За вториот вебинар со проф. д-р Мануел Казанова што ќе се одржи на 26 април има уште 5 места останато на ЗУМ. Пријавувањето е задолжително преку Гугл формуларот.

Ви благодариме на довербата.

Со почит,

Претседател на МНЗА

Втор вебинар на проф. д-р Владимир Трајковски

Почитувани колешки и колеги, студенти драги родители,

По одиличната посетеност на првиот вебинар кој за само два дена е посетен 332 пати го закажувам мојот втор вебинар за понеделник 23.03.2020 година. За потсетување ќе презентирам мои предавања кои сум ги предавал на конгреси и конференции во земјата и странство во изминатите години, а кои пшошироката македонска јавност не можела да ги слушне. Искрено се надевам дека овие мои предавања преку мојот Јутјуб канал ќе разбудат интерес кај помладите колешки и колеги, кај студентите и родителите на децата со АСН. За понеделник го најавувам вебинарот под наслов: Медицински аспекти кај аутистичен спектар на нарушувања. Вебинарот ќе започне во 11:00 часот и ќе можете да го следите на  линкот. Вие ќе можете да поставувате прашања во живо, а одговор ќе добиете по завршување на вебинарот. Останете дома, не си играјте со Корона!
Претседател на МНЗА

Серија Вебинари на проф. д-р Владимир Трајковски

Почитувани колешки и колеги, студенти драги родители,

Од утре 19.03.2020 година започнувам серија вебинари на мои предавања кои сум ги презентирал на конгреси и конференции во земјата и странство во изминатите години. Во време кога сите би требало да се дома, не е на одмет и јас во духот на солидаризмот да го споделам моето знаење бесплатно. Велат: ако професорот го држи знаењето за себе и не го споделува тогаш не е добар професор. Искрено се надевам дека овие мои предавања преку мојот Јутјуб канал ќе разбудат интерес кај помладите колешки и колеги, кај студентите и родителите на децата со АСН. За утре го предвидувам првиот вебинар под наслов: Ментално здравствени проблеми кај аутистичен спектар на нарушувања. Вебинарот ќе започне во 11:00 часот и ќе можете да го следите на долниот линк. Вие ќе можете да поставувате прашања во живо, а одговор ќе добиете по завршување на вебинарот. 

Ви благодарам на вниманието!

Претседател на МНЗА

За вебинарот со колегите од Индија

Почитувани колешки и колеги,

Како што веќе објавив, вчера 23.05.2018 година се одржа вебинарот насловен како: „Етиологија и патогенеза на аутистичниот спектар на нарушувања" кој го организирав за колегите од Универзитетот од Кандахар во Индија. Вебинарот во амфитеатар на универзитетот во Индија го проследија 50-тина гости, а видеото на мојот јутјуб канал има досега за 24 часа 73 прегледи. Ќе ви проследам размислувања на двајцата колеги професори кои ме поканија да го одржам вебинарот:

„Dear Dr Trajkovski

Thank you so much for taking out time out of your busy schedule and address the gathering here in Chandigarh. Your lecture was very comprehensive and it updated everyone. All the participants were very satisfied. They have more questions that they will post on YouTube live. We have shared your social media links with the audience". - Prof. Dr. Priti Arun

"Dear Prof Vladimir,

Thank you very much for the wonderful lecture yesterday. Although, I could not attend the complete lecture and had to leave for an urgent meeting, however, the immediate feedback is that it went very well and was very useful. However, Prof Priti will send you a detailed feedback. Thanks once again". - Prof. Dr. B.S. Chavan 

Би сакал со вас да го споделам со вас уште еднаш видеото за оние кои немале можност да го следат во живо. Овде би напоменал дека видеото треба да почне да го гледате од 6:15 минути, бидејќи претходно колегите има технички проблеми со интернетот, а јас вчера речиси цел ден се обидував на Јутјуб да го исечам тој дел, но засега бесуспешно.

Колегите од Индија беа љубезни, па ми проследија слики од атмосферата во тамошниот амфитеатар:

Доколку сте заинтересирани да ги погледнете слајдовите од моето предавање, истото ќе можете да го сторите овде.

Среќен ден на сесловенските просветители „Светите Кирил и Методиј"!

Претседател на МНЗА