Wednesday, August 26, 2015

Резултати од испитите ХГ и МОИ

Почитувани студенти,
Ви ги давам на увид резултатите од Хумана генетика што се полагаше утрово.


Реден број
Број на индекс
Бодови
Оценка
1.       
7903/12
40.5
6
2.       
8522/14
39.5
7
3.       
8597/14
36
6
4.       
23138/13
33.5
условно
5.       
8566/14
30.5
5
6.       
8542/14
28.5
5
7.       
7105/11
27
5
8.       
6981/10
26.5
5
9.       
23532/14
23
5
10.   
6982/10
9.5
5


Студентката со број на индекс 23182/13 која полагаше Медицински основи на инвалидноста е пуштена условно со 33 поени и треба да се јави на устен испит.
Забелешка: Студентките што се пуштени условно треба да се јават на устен испит во понеделник на 31.08.2015 година во 09:00 часот.

Предметен наставник 

Tuesday, August 25, 2015

Резултати од испитот ФФА - 25.08.2015

Почитувани студенти,
Ви ги давам на увид резултатите од утринскиот испит по Физиологија со функционална анатомија. Студентките што се пуштени условно да полагаат треба да се јават на устен испит во четврток на 27.08.2015 во 08:30 часот.

Реден број
Број на индекс
Бодови
тест
Оценка
1.       
23281/14
40.5
7
2.       
8526/14
33
условно
3.       
23100/13
33
условно
4.       
23257/14
28
5
5.       
8375/13
27
5
6.       
7896/12
27
5
7.       
8370/14
22.5
5
8.       
7833/11
13
5
9.       
8538/14
9.5
5
 

Предметен наставник

 

Saturday, August 22, 2015

Мементо на првиот испит

Драги мои,
Мислите ми се навраќаат на полагањето на мојот прв испит на Медицинскиот факултет во Скопје. Не знам зошто ме навраќаат точно 26,5 години назад. Веројатно студентот и професорот во мене се едно двојство кои што се во вечна симбиоза. Беше први март, си велев прво па мора да биде машко :). Прилично ладно надвор, но и неизвесно во мојата глава дали ќе положам, со каква оцена? На само 5 месеци од почетокот на студиите и речиси 6 месеци од враќањето од ЈНА. Една година во војска прави да излезеш од сите образовни и научни колосеци и токму затоа не знаев што ме чека. Рано станав тоа утро, впрочем како и секогаш. Малку спиев од возбуда и позитивна трема. Се водев од девизата ако започнам со максимален учинок тоа би било добро за моето понатамошно студирање. Се упатив со автобус кон брдото на Гази Баба. Автобусот застана кај хотел „Континентал" и од таму низ подземниот премин. Веќе погодувате дека одев кон ПМФ. Првиот испит што го полагав тој први март 1989 година беше Физика, еден од моите три омилени предмети (покрај биологија и хемија). Во осмо одделение и во прва година во МУЦ одев и на натпревари што ги организираше „Народна техника на Македонија". Си велев тоа е гаранција дека ќе го положам испитот, но главното прашање беше со која оцена? Тогаш во нашата генерација имаше некоја неофицијална трка кој ќе знае повеќе, кој ќе има повисок просек, кој ќе постигне подобри резултати, е не како денес, да се помине испитот, па макар и со ургенции. Да се разбереме ги имаше и тогаш, но во многу помала мера. Испитот го полагав кај проф. д-р Александар Гичевски (нагалено ние студентите го викавме Гиче). Беше одличен физичар, господин човек, редовно му одев на предавањата и си велев можеби тоа ќе помогне малку. Се поајави тој со седа коса, тогаш по моја процена имаше околу 55 години (не сум сигурен), не` повика да влеземе во еден стар амфитеатар. Испитот се полагаше писмено, ни постави три прашања, не се сеќавам сега точно кои беа прашањата. Обично на устните испити правев концепт, кој би требало да е во станот на моите родители. Но, листовите од овој испит останаа кај него. Потоа отидов замислен дома, никогаш не можеш да бидеш сигурен дека си положил, особено не дека ќе добиеш десет. Потоа следуваа неколку психички исцрпувачки денови на неизвесност додека беа објавени резултатите. Дојде тој долго очекуван ден кога на огласната табла видов дека сум положил со 10 и што да ви речам бесценета младешка радост. Професорот Гичевски ја впиша десетката и во оваа пригода многу му благодарам. Не знам дали се` уште е жив професорот (би требало да има околу 80 години плус-минус некоја). Ако е жив го поздравувам и би сакал да го видам, да си помуабетиме.


Иако сме половина година далеку од 1 март, како музичка подлога на овој пост се наметнува песната на нашата поп дива Каролина Гочева.


Тогашниот студент

Tuesday, August 18, 2015

15 ЕКТС поени - 21.08.2015

Почитувани студенти,
Сакам да ви соопштам дека за освојување на 15 ЕКТС поени ќе треба да дојдете во петок на 21.08.2015 година во периодот од 10:00 до 13:00 во мојот кабинет. Првата декада се ближи и ве молам да си ги завршите обврските сега. Не играјте на картата дека во септември ќе има уште еден ваков рок. Имајќи ја предвид мојата набиена агенда за септември не би ме чудело и да не успеам да најдам термин за оваа намена. Не можам да ветам отсега. Без освоени 15 ЕКТС поени не можат да се полагаат моите испити.
Предметен наставник

Мајка Македонка која живее во странство нуди помош за деца со аутизам

Почитувани родители,
Една мајка Македонка која живее и работи во Канада 12-13 години и има дете со аутизам нуди помош. Со неа сме од неодамна пријатели преку интернет и правиме планови како да помогнеме на децата со аутизам во Македонија. Таа планира догодина и лично да дојде и да биде гостин на МНЗА и да одржи серија предавања и работилници за родители на деца со аутизам. Со интензивна работа со методите ABA и IBI има постигнато забележителни резултати со своето дете. Таа во овој момент нуди помош преку давање совети да помогне на вашите деца. Потребно е само да и испратите линк од видеоматеријал со вашето дете и да воспоставите контакт преку е-пошта и скајп. Најбрзите три родители што ќе ме контактираат на е-поштата vladotra@fzf.ukim.edu.mk или на ФБ во инбокс ќе ги добијат нејзините контакти и понатаму директно ќе комуницираат со неа. Ете, се уште има хумани луѓе по светот.
Претседател на МНЗА

Sunday, August 16, 2015

Водич за изработка на дипломски труд

Почитувани дипломци, драги студенти,
Несебично одвоив дел од својот одмор да го направам овој водич кој што недостасуваше во мојата ризница на водичи. Претходно имам објавено водич за изработка на семинарски труд и водич за изработка на магистерски труд. 
Овој водич е замислен така што треба да им помогне на дипломците во изработката на нивните дипломски работи. Често пати студентите ме прашуваат како треба одредена работа да се напише, со кој обем треба да биде дипломската, како да се претстават резултатите од студијата, дали треба да има или не треба да има дискусија, како да се наведат референците во литературата и слично.
Водичот има за цел да ги намали сите непознати работи кои што се јавуваат при изработката на дипломската работа. Овие упатства особено важат за моите дипломци, а можат да послужат и за другите студенти, доколку нивниот ментор не им даде некои други напатствија.

Потребата за пишување на овој водич произлезе и од фактот што студентите немаат како задолжителни предмети: Методологоија на научно истражувачка работа и Статистика. Во новите курикулуми ова се изборни предмети и ретко кој од студентите ги бира овие предмети. Заради тоа, решив да потрошам од моето слободно време и да ви дадам потребни насоки. Искрено се надевам дека некогаш студентите ќе ми бидат благодарни за ова скромно дело.
Водичот можете да го преземете овде. Симнете го додека линкот не се прекине.
Менторот

Saturday, August 15, 2015

Најава за предавање на колешка од Холандија

Почитувани колешки и колеги,
Македонското научно зсдружение за аутизам има чест да ве покани на предавање под наслов: REATTACH : INTRODUCTION OF A NEW SCHEMA THERAPY, што ќе се одржи најверојатно во салата за седници на Филозофскиот факултет во Скопје и тоа на 14 или 16 септември 2015 година. За точното место и време ќе бидете дополнително известени.
Што претставува овој вид на третман?
ReAttach is a multimodal approach for adults and children with a variety of functional impairment and neuropsychological dysfunctions. The method will be introduced as a new schema therapy for adults and children. Besides the utility as a schema therapy, the applicability as a  promising autism treatment will be discussed. Last but not least Paula will take you on an exciting journey pioneering in the field of brain injury, dementia and the wish to explore early intervention in psychopathy.
Повеќе за овој вид третман можете да најдете на следниот линк.
Предавањето ќе го одржи доктор Paula Weerkamp-Bartholomeus која е училишен психолог и доктор на науки по специјална едукација и рехабилитација и ни доаѓа од Холандија На мојата покана таа несебично одоговри позитивно и на нејзин трошок ќе дојде да го пренесе нејзиното знаење и искуство на нашите колеги и колешки.
Драги пријателки и пријатели,
МНЗА продолжува со практиката да кани значајни гости, а притоа да не прави бизнис од настаните, како што тоа го прават некои други. Ова значи дека предавањето ќе биде со слободен пристап, но предност ќе имаат членовите на здружението, родители, па потоа сите дефектолози, психолози, доктори по медицина, педагози и се разбира нашите студенти. Заради ограниченост на бројот на местата неопходно е ваше пријавување кај секретарот на МНЗА, колегата Филип Јуртоски на следната е-пошта: secretary@mssa.org.mk или на filip_jurtoski@hotmail.com. Вие треба да испратите име и презиме, што сте по струка, каде сте вработени или сте невработени, или пак сте студент, постдипломец и слично и се разбира вашата контакт е-пошта. Од наша страна ќе добите потврдна е-пошта за учество. По исполнувањето на бројот на седиштата во салата, пријавувањето ќе биде стопирано и вашето присуство нема да биде одобрено. Затоа, пријавувајте се со време и тоа најдоцна до 10 септември оваа година.
Во надеж дека ќе научите нешто ново на ова предавање, срдечно Ве поздравувам.
Претседател на МНЗА

Thursday, August 13, 2015

За проектот Equity and Social Inclusion through Positive Parenting

Почитувани колешки и колеги,
Во јули преку социјалните медиуми ви соопштив дека го добивме проектот што го планиравме во последните две години со д-р David Preece од универзитетот во Northampton во Англија. Тој инаку е лидер на проектот. Имено, на конгресот на Аутизам Европа во Будимпешта во септември 2013 година онака срамежливо почнавме да размислуваме да аплаицираме пред ЕК за добивање на голем европски проект. Верувавме во себе, но не бевме големи оптимисти. Особено што минатата година не` одбија, но сепак оваа година успеавме. Сакам да истакнам дека успеа тој бидејќи најголем дел од товарот падна на неговиот грб. Затоа и овде сакам јавно да му се заблагародарам. Проектот е во рамките на Еразмус плус програмата, ќе трае три години поточно до август 2018 година и ќе чини 432.000 евра. Овој проект е насочен кон родителите на деца со аутизам и во него покрај Македонија претставена со членовите на МНЗА ќе учествуваат и колеги и колешки од Англија, Белгија, Хрватска и Кипар. Со потпретседаелаката на МНЗА веќе на големо се подготвуваме за првиот состанок што ќе се одржи во Нортхемптон кон крајот на септември, каде што ќе треба да ја претставиме ситуацијата со аутизмот во Македонија. Уште сега црвенеам кога ќе ги видам презентациите од другите држави и кога ќе морам јас да кажам што досега е направено за семејствата на децата со аутизам и каква поддршка добиваат тие од општеството. Проектот носи наслов Equity and Social Inclusion through Positive Parenting (Project ID number 2015-1-UK01-KA204-013397) и е финансиран од Европската комисија. Инаку ова е најголемиот проект во кој МНЗА досега учествувала и посебно сум горд на него бидејќи сум еден од двајцата иницијатори. Па да си посакаме успешен проект со резултати од кои ќе имаат сите бенефит, како родителите, така и професионалците во Македонија.
Претседател на МНЗА


Wednesday, August 12, 2015

Retraction: Gordana Panova

Na zahtev autora sledeći radovi se poništavaju u našim izdanjima: 
Panova, Gordana (2014) Nееd of preschool education children with disabilities, as prerequisite for successful integrative education. In: Konferencija sa međunarodnim učešćem "Defektološki rad sa decom na ranom uzrastu", 14 June 2014, Zbornik rezimea, Novi Sad, Srbija.
Panova, Gordana (2014) Work with children with development problems. In: Konferencija sa međunarodnim učešćem "Defektološki rad sa decom na ranom uzrastu", 14 June 2014, Zbornik rezumea, Novi Sad, Srbija.
Panova, Gordana and Taseva, Elena and Panova, Blagica (2010) Problems and treatment of children with autism in Eastern Macedonia. In: Tematski zbornik radova Prve međunarodne konferencije “Specijalna edukacija i rehabilitacija – nauka i/ili praksa”. pp. 96-107. ISSN 978-86-913605-1-1

Source: http://www.defektolozi.org/

Најчести грешки во изработката на дипломските трудови

Почитувани дипломци,
Ви се обраќам вам на моите сегашни и идни дипломци, а од овој пост можат корист да видат и другите дипломци. Секако дека доста од овие правила може да се применат и во изработка на магистерски и докторски труд. Како што веќе знаете тема за изработка на дипломски труд се избира во договор со менторот. Овде би сакал да напоменам некои најчести грешки кои се прават, а се` со цел грешките во иднина да се минимизраат.
  1. Потребно е доследно следење на водичот на изработка на дипломски трудови кој го имам објавено на моите блогови пред повеќе години. Маргините кои се дадени треба да се почитуваат, насловната страна убаво да се уреди, содржината и целиот текст да бидат порамнети од двете страни (justified). На наслованата страница пожелно е да се стават логото на УКИМ и лотото на ФЗФ во горниот леви и горниот десен агол.
  2. Забележувам често мноштво на печатни, лекторски грешки или не ставање на интерпункциски знаци. Основно правило е пред да го предадете дипломскиот труд да го прочитате најмалку еднаш и да биде предаден со минимални вакви грешки. Во спротивно сте некоектни и изразувате непочитување кон менторот. Потребно е да се пишува во пасивна форма, наместо да се пишува во прво лице еднина или множина. Убаво би било ако имате пријател, роднина по македонски јазик или на вашиот поранешен професор/професорка по македонски јазик да ги замолите да ви го лекторираат, иако ова за дипломските трудови не е задолжително на нашиот институт. Но, за повисока оцена и убав впечаток би било убаво да се направи.
  3. Односот теоретски наспроти истражувачки дел треба да биде 1/3 : 2/3.
  4. Постои непишано правило дека должината на дипломскиот труд изнесува 50 страници. Се толерира 10-20% надминување, но не и повеќе.
  5. Во делот резултати доколку не познавате статистика и методологија неопходно е да се консултираат статистичар и методолог. Резултатите за едно прашање се изнесуваат или само со табела или само со слика, никако повторување на истите по два пати. Табелите и сликите не смеат да излегуваат надвор од предвидените маргини. Кај сликите доволно е да има само објаснување долу под сликата, а не истото да се повторува и во самата слика горе. Кај сликите често пати во варијаблите забележувам слични нијанси на бои што не е добро. Вие треба да користите контрастни бои за да ги одвоите варијаблите една од друга. Запомнете дека реченицата не се започнува никогаш со број (на пример 7, туку ќе започнете со збор, т.е. седум). Кога една варијабла нема варијација, т.е. е застапена со 100%, нема нејзина дихотомност, тогаш илузорно и непотребно е да правите слика, односно графикон. Таквиот наод можете само текстуално да го појанисте. Резултатите треба да се појаснат што означува статистички значајна разлика, а не само да се констатира дека постои или не постои. Исто така треба да се потенцира ако p < 0.001 дека е тоа силна статистички значајна разлика.
  6. За највисока оцена убаво би било дипломскиот труд да содржи дел дискусија кој ќе опфати компарација на сопствените резултати со резултати од литературата (наши студии или светски студии). На ова посебно инсистирам кај магистерските трудови.
  7. Литературата треба да биде наведена според Ванкуверски или Харвардски стил на цитирање. Другите начини кај нас на институт послабо се користат, иако не се исклучени. Во литературата треба да имате најмалку 30 референци ако сакате оцена 9 или 10. Што повеќе коректни референци, тоа укажува на ваша поголема студиозност во обработката на трудот и поголема шанса за висока оцена. Референците во најголем број на случаите треба да бидат трудови од списанија и учебници, а во помал број интернет ресурси од некои дневни весници, Википедија и други помалку релевантни веб страници. Во 60-70% тие треба да бидат објавени во последните 5 години.
  8. Пред да ги отпечатите дипломските трудови конвертирајте го фајлот од Word документ во PDF документ. Само така нема да имате проблеми со изместување на табели и слики и поместување на страници во содржината. Ова е честа грешка која се повторува кај вас и затоа ви обрнувам внимание.
  9. Експозето за време на одбраната треба да трае најмногу 20 минути и на презентацијата на трудот треба да бидете суверени во презентираето на истражувањето. Тремата, стравот и слично се ваши противници и затоа со вежбање треба да ги избегнувате. За тоа како треба да направите добра презентација прочитајте во еден мој претходен пост.
Доколку сакате највисоката оцена да ви биде обезбедена треба строго да се придржувате на овие правила. Во спротивно кога ќе добиете пониска оцена не прифаќам никакви поплаки, озборувања и слично.
Менторот