Потписи преслушувачи

Почитувани студенти,

Не знам од каде ви е идејата да ми пишувате е-пошта и да ми барате потписи уште на 18 декември или речиси еден месец пред да заврши семестарот. Семестарот завршува на 15.01.2025 година и не очекувајте никакви потписи пред 13 јануари. Никогаш не сум давал потписи во декември. Кога ќе решам да ви дадам потписи, ќе објавам на блогот и ќе си дојдете во тој термин и ќе ги оставите индексите во библиотеката на ИСЕР.

Предметен наставник

Термини за полагање испити на прв циклус на студии - јануари 2025 година

Почитувани студенти, 

Во прилог ви ги споделувам термините за полагање на моите испити (пред сите други) во сесијата јануари 2025 година за студентите од прв циклус. Вие сте ДОЛЖНИ на испитот да носите пријава која е претходно набавена. Во почеток на јануари ќе има анкета која задолжително ќе треба да ја пополните во насока на тоа која декада сакате да полагате. Јас како предметен наставник го задржувам правото да го променам начинот и терминот заради присуство на виша сила или други фактори. Вие сте должни да го следите овој блог заради евентуални промени. Потребно е да се биде најмалку 15-тина минути пред терминот заради навремено сместување на студентите. Препишувањето и други форми на неакадемско однесување строго ќе бидат санкционирани. Пријавите и тестовите пишувајте ги со читлив и разбирлив македонски јазик. Ургенциите се тотално НЕДОЗВОЛЕНИ и ЗАБРАНЕТИ!

Прва декада

25.01.2025  ХГФ, ХГ, ФФА и МОИ во Голем амфитеатар во 08:00 часот

Втора декада

27.01.2024 ФФА и МОИ во Голем амфитеатар во 08:00 часот

28.01.2025 ХГФ и ХГ во Голем амфитеатар во 08:00 часот

Предметен наставник

Физиологија на учење и меморија - ажурирано предавање - 08.12.2024

Почитувани студенти,

На платформата Мајкрософт Тимс го закачив ажурираното предавање Физиоологија на учење и меморија кое ќе го предавам на 26.12.2024 година. За да го симнете мора да имате пристап до платформата. Доколку колегите од ФИНКИ се` уште не ви го решиле проблемот, тогаш замолете ги студентките од втора година да ви го дадат на УСБ или преку е-пошта. Повеќе за оваа тема можете да најдете во мојот учебник ФИЗИОЛОШКА ПСИХОЛОГИЈА.

Напомена: Предавањето има авторски права и не смее да биде споделувано со лица надвор од групата на студенти кои го слушаат предметот.

Предметен наставник

15 ЕКТС поени - 10.12.2025

Почитувани студенти,

Нека ни е вечен празникот „Свети Климент Охридски“!

Ве поканувам во вторник 10 декември 2024 година да си ги завршите обврските околу 15 ЕКТС поени. Покрај тоа што треба да ги носите трите задачи отпечатено (ако досега не сте ги предале), треба да бидете подготвени истите да ги одбраните. Овој термин важи и за сите оние други студенти од минатите генерации што не освоиле доволно поени. Исто така овој термин важи и за друг вид на консултации. Терминот е од 12:30 до 13:30 часот.

Напомена: Имајте во вид дека до 30.12.2024 ќе има само уште 1 ваков термин, така што ако сакате да полагате во јануарската сесија, ќе мора поскоро да си ги завршите обврските. Во јануари нема да има вакви термини за освојување на 15 ЕКТС поени.

Предметен наставник