Термин за прв колоквиум - ноември 2024

Почитувани студенти,

Сакам да ги споделам термините за првите колоквиуми по предметите Физиологија со функционална анатомија и Медицински основи на инвалидноста. Двата колоквиума ќе се полагаат во 8:00 часот на 14 ноември (четврток) во амфитеатар 3 на ФЗФ (попознат уште како голем амфитеатар).  Потребно е да дојдете 15 минути претходно. Никакви доцнења не се дозволени!

Ве молам за пополнување на анкетите ОВДЕ.

Ги замолувам сите студенти што не се доволно подготвени да не се брукаат и да не доаѓаат туку-така да полагаат, бидејќи тоа го оптеретува моето време за прегледување. Досега не е познато дека некој студент/ка положиле на среќа. Прашањата можам да ви ги покажам на консултации по завршувањето на колоквиумот, ако ве интересираат, за тие студенти што нема да дојдат да полагаат. Го задржувам правото на промена на терминот заради учество на непосакувана „виша сила“.

Предметен наставник

Најчести грешки на колоквиумите

Почитувани студенти,

Сакам да ви укажам на најчестите грешки кои се прават, со цел да не се повторуваат во иднина.

• Се појавувате на колоквиум недоволно подготвени, само за да го видите тестот, нешто што е неприфатливо. Сум ви рекол дека во секое време можам да ви го покажам тестот.
• Честопати на тестот не го пишувате бројот на индексот 10681/24, а поретко ниту име и презиме. Задолжително се пишуваат и двете;
• Не заокружувате доволно јасно, се чини како да штедите пенкало;
• Се пишува исклучиво само со сино пенкало;
• Не пишувате со читливи, разбирливи и јасни букви;
• Не носите индекс или студентска легитимација за идентификација;
• Заборавате да го исклучите звукот на мобилните или алармите, а такви уреди не се дозволени додека трае полагањето;
• Носите само едно пенкало, кое понекогаш престанува да пишува;
• Не го почитувате правилото да дојдете 15 минути пред закажаниот термин за испит (едно од најважните правила;
• Не одговарате целосно на дефинициите, туку само кратко и затоа освојувате само делумен број на поени, или воопшто не освојувате поени;
• На ги учите есејските прашања по предметот МОИ, ги оставате празни, а тие носат по околу 8 поени;
• Кај кариограм и родословно стебло по предметите ХГ и ХГФ, пишувате дека се работи за кариограм, кариотип или родословно стебло, наместо да ги опишете за кој кариограм се работи, кој синдром ако е синдром и која е формулата, или типот на наследување кај родословното стебло;
• Не се пријавувате на анкетите за полагање на колоквиум.

Предметен наставник

Анкета за првите колоквиуми ФФА и МОИ - ноември 2024

Почитувани студенти од ИСЕР,

Како би можел правилно да ги планирам двата колоквиуми, ве замолувам да потрошите 20 секунди и да ги пополните анкетите час поскоро.

Доколку сакате да го полагате првиот колоквиум по Физиологија со функционална анатомија пополнете ОВДЕ.

Студентите кои ќе го полагаат предметот Медицински основи на инвалидноста треба да ја пополнат анкетата ОВДЕ. 

Други колоквиуми по други предмети НЕМА да се полагаат во колоквиумската недела.

Со почит,

Предметен наставник