Дванаесетто предавање ХГ - 17.12.2013

Почитувани студенти,
Во прилог се видео материјалите за последното 12-то предавање по предметот Хумана генетика. Утре ќе предавам за Генетика на аутизмот, Генетско советување и Генска терапија.
Предметен наставник

За поместените предавања и вежби

Почитувани студенти,
Како што веќе беше најавено, заради вашата теренска настава и губењето на часовите изминатата седмица, последните предавања и вежби за овој семестар ќе ги одржиме на 17.12.2013 во лабораторија и тоа по следниот редослед:

1. 08:00 часот ХГ предавања
2. 10:30 часот ФФА предавања
3. 13:00 часот ХГ вежби (двете групи заедно)

Предметен наставник

Денис и Денис - „Ти и јас„

Драги пријателки и пријатели,
На крајот од викендот морам да споделам една не така многу позната нумера од екстра популарните Денис и Денис под наслов „Ти и јас„ издадена во 1984 година, времето кога се појавија со новиот бран на компјутерска (електронска) музика. Се чини беа пред времето. Со препознатливиот електронски звук навистина беа екстра популарни, а сексапилот на Марина Перазиќ до денес се прераскажува на разни средби и во коментарите на јутјуб. Според мене тие се една од десетте екс ЈУ групи кои оставија траен печат на 80-тите. Одвоите 4 минути од вашето време да ја преслушате.
DJ Vac

Како да се напише, поднесе и објави научен труд

Почитувани постдипломци,
Утре, 14.12.2013 со почеток во 09:30 часот во слушална 11, ќе одржам 4 часа предавање на тема: „Како да се напише, поднесе и објави научен труд„. Предавањето е во рамките на предметот Планирање на научно истражување, задолжителен предмет во програмата на специјална едукација и рехабилитација со 60 ЕКТС кредити. Ќе стане збор за ВМРД структура на трудот, дефиниција на научен труд, ќе дадам препораки до авторите, етика на објавување на стручно-научни трудови, плагијаторство во научната работа, системски бариери за публикување, каде да публикувате и многу други интересни прашања. Ќе биде тоа уште едно поизтивно искуство на тема што ја работам повеќе години наназад. Уште еднаш благодарност до предметниот наставник, која ми отстапи 4 часа од својот предмет.
Предавачот

Единаесетто предавање ФФА - 13.12.2013

Почитувани студенти,
Утре на предавањето по Физиологија со функционална анатомија ќе стане збор за Ендокрин систем. Доколку сакате подобро да го усвоите материјалот погледнете ги следните видео клипови.
Предметен наставник

Единаесетто предавање ХГ - 12.12.2013

Драги студенти,
Утре со почеток во 08:00 часот ќе се одржи единаесеттото предавање по хумана генетика. Ќе предавам за генетски аспекти на интелектуална попреченост и генетски аспекти на миопатии. На следниот линк од стариот блог ќе можете да погледнете корисни видео клипови кои ги појаснуваат болестите и синдромите што се асоцирани со овие видови инвалидност.
Предметен наставник

Поздравна реч на проф. д-р Владимир Трајковски на трибината во Обреновац

Драги колешки и колеги,
Сакам со вас да го споделам видеото на мојот поздравен говор од неодамна одржаната трибина (07.12.2013) за аутизам во Обреновац, Србија. Говорот го чита Мануела Крчаноска постдипломец и демонстратор на Институот за дефектологија. Благодарност до неа за одвоеното време. Со ова ја продолжувам соработката не само со родители од Македонија, Словенија, Хрватска, туку и со родители од Србија на кои им е неопходна нашата помош. Видеото трае 03:42 секунди, па предлагам да го погледнете.
Претседател на МНЗА

Промена во насловот на вежбата ХГ

Почитувани студенти од прва година,
За утре и задутре за вежби по Хумана генетика ќе треба да ја прочитате вежбата број 13 од практикумоит и таа носи наслов: „Структурни хромозомски аберации„. Материјалот што ви го дадов за учење минатиот пат останува за во вторник на 17.12.2013 година.
Предметен наставник

Веб-апликација за поддршка на Декларацијата за отворени образовни ресурси на Македонија

Почитувани колешки и колеги,

Во прилог ви го линкувам соопштението за медиуми во врска со Веб-апликацијата за поддршка на Декларацијата за отворени образовниресурси на Македонија. Веб-апликацијата е дел од веб-сајтот www.oer.mk кој претставува своевиден ресурсен центар за отворени образовни ресурси.Доколку се сложувате со принципите на Декларацијата ве молам онлајн да ја потпишете и со тоа да дадете придонес кон истата.

Член на координативната група

Уште два наши труда за аутизмот цитирани во International Journal of Neuropsychopharmacology

Почитувани читатели,
Сакам да ве известам дека два труда од нашиот тим се цитирани во списанието International Journal of Neuropsychopharmacology, поточно во трудот The need for a comprehensive molecular
characterization of autism spectrum disorders. Трудот има број doi:10.1017/S146114571300117X. Наши трудови кои се цитирани во него се:
Spiroski M, Trajkovski V, Trajkov D, Petlichkovski A, Efinska-Mladenovska O, Hristomanova S, Djulejic E, Paneva M, Bozhikov J (2009) Family analysis of immunoglobulin classes and subclasses in children with autistic disorder. Bosn J Basic Med Sci 9:283–289.
Trajkovski V, Ajdinski L, Spiroski M (2004) Plasma concentration of immunoglobulin classes and subclasses in children with autism in the Republic of Macedonia: retrospective study. Croat Med J 45:746–749.
Бидејќи трудот не е со отворен пристап и затоа ви го приложувам само резимето. Инаку списанието е во групата на Cambridge Journals што уште повеќе го зголемува значењето на цитираноста.
The need for a comprehensive molecular characterization of autism spectrum disorders

Jantine A. C. Broek^a1, Eva Brombacher^a1a2, Viktoria Stelzhammer^a1, Paul C. Guest^a1, Hassan Rahmoune^a1 and Sabine Bahn^a1a2 c1

^a1 Department of Chemical Engineering and Biotechnology, University of Cambridge, Cambridge, UK
^a2 Department of Neuroscience, Erasmus Medical Centre, Rotterdam, The Netherlands

Abstract

Autism spectrum disorders (ASD) are a heterogeneous group of disorders which have complex behavioural phenotypes. Although ASD is a highly heritable neuropsychiatric disorder, genetic research alone has not provided a profound understanding of the underlying causes. Recent developments using biochemical tools such as transcriptomics, proteomics and cellular models, will pave the way to gain new insights into the underlying pathological pathways. This review addresses the state-of-the-art in the search for molecular biomarkers for ASD. In particular, the most important findings in the biochemical field are highlighted and the need for establishing streamlined interaction between behavioural studies, genetics and proteomics is stressed. Eventually, these approaches will lead to suitable translational ASD models and, therefore, a better disease understanding which may facilitate novel drug discovery efforts in this challenging field.

Key words: Autism spectrum disorder (ASD); biomarker; omic platforms; pre-clinical models