Обука за аутизам во основните училишта

Почитувани колешки и колеги,

Деновиве членовите на МНЗА спороведуваат обука под наслов: „Учениците за аутизам во образовниот процес„. Им благодариме на директорката на ОУ „Јоаким Крчоски„ од село Волково и на нејзиниот колегиум за поканата токму МНЗА да ја одржи оваа обука. Сметаме дека оваа обука треба да биде поттик и за другите училишта да тргнат по нивниот пат, зашто нашата процена е дека наставниците и стручните тимови во редовните училишта имаат многу малку сознанија за овој горлив проблем. Обуката трае 15 часови и неа ја спроведуваат пет наши членови, а сега сакам да ја споделам агендата за да можат и колегите од другите училишта да имаат претстава за што се работи.

1. Дефиниција, преваленција, етиологија и карактеристики на децата со аутизам 
2. Рана дијагностика и рана интервенција на децата со аутизам
3. Споделување на искуства преку анализа на протокол за дијагностика на аутизмот -интерактивна работилница, видео прикази 
4. Сетилата кај децата со аутизам 
5. Индивидуален образовен план (ИОП)
6. Модификација на наставата за ученици со аутизам
7. ИОП за ученик со аутизам-приказ на случај
8. Изработка на ИОП –работилница.
9. Успешни и научно докажани третмани-предавање и видео прикази
10. Физичка структура, распоред и индивидуален систем во работата со учениците со аутизам 
11. Облици на поддршка, модификации и акомодација на материјалите за работа за учениците со аутизам-предавање и интерактивна работилница  
12. Интерактивна работилница - Едукативна анализа на случаите во училиштето и адаптирани материјали за работа.

Во продолжение и неколку фотографии за илустрација на настанот од завршените први пет часови.
Претседател на МНЗА