ДЕФЕКТОЛОШКА ТЕОРИЈА И ПРАКТИКА ОД НАУЧНАТА ПЕРИФЕРИЈА ДО РЕЛЕВАНТНО НАУЧНО СПИСАНИЕ

Почитувани читатели,

Со овој апстракт на предговор сакам да ви го најавам најновиот број 3-4 за 2015 на списанието Дефектолошка теорија и практика кое денес влезе во печат и во четврток  на 5 ноември го очекуваме да се појави во нашите витрини.

Главен и одговорен уредник

Владимир ТРАЈКОВСКИ
Дефектолошка теорија и практика
Институт за дефектологија
Филозофски факултет
Скопје, Република Македонија

Резиме

Во овој предговор е опишан растежот на спи­­­­санието Дефектолошка теорија и прак­­­­тика во последните 18 години откако за­­­­почна да се издава. Иако започна како ло­кал­но и стручно, сепак успеа да се раз­вие во ин­тернационално и научно и да прив­­лече голем број автори од преку 30 држави од све­тот. Моментно списанието е ин­дек­си­ра­но во 65 светски бази на по­да­то­ци. 

Македонија претставува тешка периферија во светот на науката. Но, тоа не го спр­е­чу­ва списанието од година во година да ста­ну­ва сѐ повидливо и позначајно во науч­ни­те области кои го обработуваат полето на спе­цијална едукација и рехабилитација. Во на­ша­та држава постојат многу фактори кои го попречуваат патот за создавање на ви­со­ко квалитетно научно списание. Истите се детално дискутирани во трудот. 

За да се достигне повисока релевантност на спи­­­санието, потребна е голема и бес­пре­корна пос­ветеност на луѓето кои работат во из­­да­вач­ките канцеларии.

Уредниците од ма­­ли­те спи­санија од ре­гио­нот треба да си ги раз­ме­ну­ва­ат сопствените ис­куства. Уред­­ничките ти­мо­ви на по­ма­ли­те спи­са­ни­ја треба да со­би­ра­ат искуство од по­­го­ле­ми­те списанија. Тие тре­ба да вложат по­ве­ќе на­­по­ри во зго­ле­му­ва­ње ­на вид­ли­вос­та на спи­санието на интернет, а тоа мо­жат да го сторат преку споделување на тру­до­вите на социјалните медиуми. Над­леж­­но­то Министерство за образование и нау­ка треба да одвои поголем процент од бру­то до­машниот производ за издавачка деј­­но­ст за да може малите списанија да ста­­нат по­ре­ле­вант­ни во светот на науката.

Се наметнува заклучокот дека малите спи­са­­ни­­ја може да придонесат со релевантни науч­ни информации во светот на науката.

Клучни зборови: Дефектолошка теорија и прак­тика, научна периферија, научно списание, квалитет на списание