Предавања ХГФ - 2023

Почитувани студенти од ИП,

Како што веќе објавив во два наврати преслушувањето по предметот Хумана генетика и физиологија ќе започне во петок на 13 октомври со почеток во 08:00 часот во психолошката лабораторија на ФЗФ. Потребно е да бидете 10-15 минути порано. Преслушувањето на предметот е задолжително за тие што не добиле потписи и немаат 15 ЕКТС поени во изминатите години. За другите е по сопствена желба. Повторувам предавањата нема да бидат класични, туку ќе бидат во форма на дискусии, разговори, прашања и задачи, гледање видео клипови од матеруијалот и слично. На списокот имам запишано 29 студенти и постои простор за максимум уште 6 студенти (толку собира просторијата). Потребно е да ве има во списокот за да може да слушате.

Со почит,

Предметен наставник

Информација за преслушување на предметот Хумана генетика и физиологија

Почитувани студенти од Институтот за психологија,

Сакам да ве известам дека сите кои немаат добиено потписи досега по Хумана генетика и физиологија, немаат освоено 15 ЕКТС поени ќе треба задолжително да го преслушуваат предметот секој петок од 8:00 до 10:00 часот во психолошката лабораторија на ФЗФ. Задачите кои сте ги добиле изминатите години веќе не важат за 15 поени. Овде ги поканувам и сите други студенти кои не го положиле испитот досега, а сакаат да полагаат преку колоквиуми. За да полагаат преку колоквиуми ќе мора да дојдат најмалку 7 пати во текот на семестарот. Во спротивно ќе мораат да дојдат директно на испит во јануари 2024 година. Морам да ви укажам дека ова е последната генерација кога ќе држам предавања по Хумана генетика и физиологија бидејќи од октомври новите студенти од прва година ќе слушаат друг предмет. Начинот на предавање нема да биде како и минатите години, туку ќе биде повеќе насочен кон дискусија, гледање видео клипови, консултации и прашања од ваша страна во врска со тестовите кои не сте ги положиле. На 6 октомври поради мое службено патување, најверојатно нема да имаме, па така првото ќе се реализира на 13 октомври, само да има здравје. За да имам увид во колкав број ќе доаѓате, ве молам да ме информирате на следната е-пошта.

Предметен наставник