Vasilevska Petrovska I, Petrevska N, Trajkovski V. Stakeholders' views on barriers and factors facilitating optimal support for people with autism spectrum disorders in Macedonia. Annales Universitatis Paedagogicae Cracoviensis Studia Psychologica 2020; (13): 27-42.
Резиме на разбирлив јазик
Целта на ова истражување била да се утврди што им помага, а што им отежнува на лицата со аутизам да добијат соодветна поддршка за нивниот социјален и развоен напредок.
Во истражувањето биле опфатени родители на лица со аутизам и професионалци кои работат со нив. Преку разговори со нив, истражувачите ги анализирале нивните искуства и ставови и ги издвоиле практиките што претставуваат пречки, но и оние што придонесуваат за подобра поддршка.
Биле утврдени три главни нивоа на пречки и олеснувачки фактори:
Индивидуално ниво – поврзано со карактеристиките и степенот на тешкотиите кај самото лице со аутизам.
Ниво на ставови и разбирање – поврзано со тоа како општеството и луѓето околу лицето со аутизам го разбираат неговото однесување, потребите и способностите.
Системско ниво – поврзано со начинот на кој се организирани образовниот, социјалниот и другите системи за поддршка, како и со политиките и практиките на пошироко општествено ниво.
Истражувањето покажува дека квалитетната поддршка не зависи само од карактеристиките на лицето со аутизам, туку и од ставовите на околината и од тоа колку системите се подготвени да одговорат на неговите индивидуални потреби.
Затоа, искуствата и мислењата на лицата со аутизам, нивните родители и професионалците се од особено значење за подобрување на здравјето, еднаквоста и квалитетот на животот. Авторите препорачуваат развивање на индивидуализиран систем на поддршка, во кој планот за поддршка се креира според конкретните потреби, способности, интереси и цели на секое лице со аутизам – односно преку пристапот „планирање насочено кон личноста“ (person-centred planning).
No comments:
Post a Comment