Најчести грешки на испитите

Почитувани студенти,

Сакам да ви укажам на најчестите грешки кои ги правите, со цел да не се повторуваат во иднина.

• Често не го пишувате бројот на индексот 10681/23, поретко име и презиме;
• Не заокружувате доволно јасно, како да штедите пенкало;
• Не пишувате со читливи букви;
• Не носите индекс или студентска легитимација за идентификација;
• Заборавате да го исклучите звукот на мобилните или алармите;
• Носите само едно пенкало, кое понекогаш престанува да пишува;
• Не го почитувате правилото да дојдете 15 минути пред закажаниот термин за испит;
• Не одговарате целосно на дефинициите, туку само кратко и затоа освојувате само делумен број на поени, или воопшто не освојувате поени;
• На ги учите есејските прашања по предметот МОИ, ги оставате празни, а тие носат по 10 поени;
• Кај кариограм и родословно стебло по предметите ХГ и ХГФ, пишувате дека се работи за кариограм, кариотип или родословно стебло, наместо да ги опишете за кој кариограм се работи, кој синдром ако е синдром и која е формулата, или типот на наследување кај родословното стебло;
• Не купувате навремено пријава и честопати имате среќа што вработените од „Студентски сервис“ ги знаат моите термини и тие денови доаѓаат порано на работа. Не играјте на таа карта.

Списокот сигурно има уште работи, но во овој момент толку можам да се сетам по два екстремно тешки денови.

Предметен наставник