ФФА на Мајкрософт Тимс

Почитувани студенти,

Потребно е да имате корисничко име и лозинка за да влезете во предметот Физиологија со функционална анатомија на Мајкрософт Тимс. Потоа, треба да побарате прием, а јас да ве прифатам. Помалку од 10-тина студенти веќе го сторија тоа. Се очекува целата генерација да се приклучи за да го користите како дополнителен ресурс за учење. Се` ви е дадено на послужавник, вие само треба да сакате да учите темелно и посветено.

Предеметен наставник

Учење ФФА со вештачка интелигенција

Почитувани студенти,

Благодараение на колегата проф. д-р Боби Бадаревски од Институтот за родови студии, кој е раководител на проект за вештачка интелигенција, креиран е AI водич за Физологија со функционална анатомија. Тоа ви е уште еден придружен ресурс за подобро совладување на материјалот. Тестирајте го и би сакал да ги чујам вашите мислења на следните вежби во четврток.

Предметен наставник

Како студентите да го подобрат фокусот на внимание при учење?

Почитувани студенти,

Би сакал да споделам неколку корисни совети како да го подобрите фокусот на внимание при вашето учење.

Техники за подобрување на фокусот

1. Pomodoro техника – учење 25 минути со целосна концентрација, па пауза од 5 минути; по 4 циклуси следува подолга пауза.
2. Поставување мали цели – наместо „ќе учам цела лекција“, поделете ја на потцели (на пример: прво вовед, па дефиниции).
3. Минимизирање на дистракции – исклучување на телефонот или користење апликации што блокираат социјални мрежи додека се учи.
4. Активно учење – наместо само читање, правење белешки, мапи на поими, поставување прашања и објаснување со свои зборови.
5. Вежби за меморија – користење флеш-картички, квизови или повторување на материјалот наглас.

Здравствени и животни навики

1. Квалитетен сон – редовен ритам на спиење, барем 7–8 часа.
2. Физичка активност – кратки прошетки или лесни вежби го подобруваат протокот на крв во мозокот.
3. Правилна исхрана – избегнување на премногу шеќери, кафе или енергетски пијалоци; внес на овошје, зеленчук и омега-3.
4. Хидратација – доволно вода во текот на денот за да се избегне ментален замор.

Дополнителни стратегии

1. Медитација и техники на дишење – кратки вежби од 3–5 минути пред учење за смирување и концентрација.
2. Учење на исто место и време – создавање рутина и асоцијација на мозокот дека тоа е „време за работа“.
3. Наградување – по завршена задача, дозволете си мала награда (нешто слатко, кратка прошетка, разговор со пријател/ка).

Предметен наставник

Материјал за учење прв колоквиум ФФА - 2024

Почитувани студенти,

Ви ги проследувам темите за подготовка на првиот колоквиум по предметот Физиологија со функционална анатомија.

• Функционална организација и општ план на телото. 
• Регулирачките системи за одржувањето на внатрешната хомеостаза; 
• Физиологијата на клетката; 
• Телесни течности и електролити; 
• Физиологија на крвта; 
• Мускулен систем; 
• Физиологијата на нервниот систем;
• Вклучително и автономен нервен систем.

Го задржувам правото за мали промени ако се укаже потреба од тоа. Читањето на десетина страници повеќе од материјалот не е трагедија.

Среќно учење!

Предметен наставник

Материјал за учење прв колоквиум ФФА - 2019

Почитувани студенти,

Ви ги проследувам темите за подготовка на првиот колоквиум по ФФА.

• Функционална организација и општ план на телото. 
• Регулирачките системи за одржувањето на внатрешната хомеостаза; 
• Физиологијата на клетката; 
• Телесни течности и електролити; 
• Физиологија на крвта; 
• Мускулен систем; 
• Физиологијата на нервниот систем;
• Вклучително и автономен нервен систем.

Го задржувам правото за мали промени ако се укаже потреба од тоа. Читањето на десетина страници повеќе од материјалот не е грешна работа.

Среќно учење!

Предметен наставник

Материјал за учење прв колоквиум ХГФ - 2019

Почитувани студенти,

Материјал за учење за првиот колоквиум по предметот Хумана генетика и физиологија е од Вовед во хумана генетика и физиологија од страница 15 до Структури на нервен систем страница 151. Го задржувам правото да направам по потреба евентуални мали промени, што не значи дека, ако на пример, прочитате до страница број 159 ќе биде некоја голема грешка. :)

Предметен наставник