Трет вебинар на проф. д-р Владимир Трајковски - Аутизмот во Македонија- актуелни состојби, дилеми и предизвици

Почитувани колешки и колеги, драги студенти и родители,

Останувам достоен на ветеното дека во време на опасна Корона вирусна инфекција бесплатно ќе презентирам вебинари посеветени на аутизмот. Овој пат повод е 2 април, меѓународниот ден за подигнување на свесноста на аутизмот. Во четврток на мојот Јутјуб канал со почеток во 11:00 часот ќе зборувам на тема: „Аутизмот во Македонија- актуелни состојби, дилеми и предизвици“. Ве поканувам масовно да ми се придружите и да поставувате прашања доклку нешто дополнително ве интересира.

Претседател на МНЗА

Втор вебинар на проф. д-р Владимир Трајковски

Почитувани колешки и колеги, студенти драги родители,

По одиличната посетеност на првиот вебинар кој за само два дена е посетен 332 пати го закажувам мојот втор вебинар за понеделник 23.03.2020 година. За потсетување ќе презентирам мои предавања кои сум ги предавал на конгреси и конференции во земјата и странство во изминатите години, а кои пшошироката македонска јавност не можела да ги слушне. Искрено се надевам дека овие мои предавања преку мојот Јутјуб канал ќе разбудат интерес кај помладите колешки и колеги, кај студентите и родителите на децата со АСН. За понеделник го најавувам вебинарот под наслов: Медицински аспекти кај аутистичен спектар на нарушувања. Вебинарот ќе започне во 11:00 часот и ќе можете да го следите на  линкот. Вие ќе можете да поставувате прашања во живо, а одговор ќе добиете по завршување на вебинарот. Останете дома, не си играјте со Корона!
Претседател на МНЗА

Серија Вебинари на проф. д-р Владимир Трајковски

Почитувани колешки и колеги, студенти драги родители,

Од утре 19.03.2020 година започнувам серија вебинари на мои предавања кои сум ги презентирал на конгреси и конференции во земјата и странство во изминатите години. Во време кога сите би требало да се дома, не е на одмет и јас во духот на солидаризмот да го споделам моето знаење бесплатно. Велат: ако професорот го држи знаењето за себе и не го споделува тогаш не е добар професор. Искрено се надевам дека овие мои предавања преку мојот Јутјуб канал ќе разбудат интерес кај помладите колешки и колеги, кај студентите и родителите на децата со АСН. За утре го предвидувам првиот вебинар под наслов: Ментално здравствени проблеми кај аутистичен спектар на нарушувања. Вебинарот ќе започне во 11:00 часот и ќе можете да го следите на долниот линк. Вие ќе можете да поставувате прашања во живо, а одговор ќе добиете по завршување на вебинарот. 

Ви благодарам на вниманието!

Претседател на МНЗА

5-то предавање ХГ онлајн на Јутјуб - 17.03.2020

Почитувани студенти,

Како што предвидов минатиот вторник дека МЗ ќе преземе изолативни мерки тоа и се оствари. Ние мораме да се прилагодуваме на новонастаната ситуација. Овој принуден распуст не ви е даден за уживање, туку за да се превенираат поголеми ширења и смртни последици од вирусот Ковид-19. Тоа значи дека ако не одите физички на настава, ќе може да се надополни со онлјан предавања преку мојот Јутјуб канал. Во Словенија на пример имаат специјален програм и наставата и од вторникот се` си тече преку видеоконференциска врска со тој програм. Искрено се надевам дека нашите надлежни во МОН, УКИМ и ФЗФ ќе имаат сили и можности брзо да реагираат и да најдат решение за овој проблем.

Предавањето ќе почне во стандардниот термин во вторник на 17.03.2020 во 08:00 часот. Претходно неколку минути во групата на ФБ ќе биде споделено обавестување на кое вие ќе треба да ставите коментар Присутен/Присутна. По завршувањето на предавањето ќе треба директно под моето видео на Јутјуб каналот повторно во коментар да ставите Присутен/Присутна и тоа не подоцна од 5 минути од завршување на предавањето. Врз основа на тие коментари ќе бидат евидентирани плусови за присуство и минуси за отсуство. Тоа значи исто како и физички да сте биле приустни. Искрено се надевам дека нема да се користите со трикови да бидете присутни само на почетокот и на крајот на предвањето, бидејќи така сте се излажале себе си, а не мене. Материјалот мора да се научи и со тоа ќе се оди на испит. Не сум сигурен дека ќе има продолжување на семестарот во јуни. Дури и да има такво нешто, ние во регуларниот термин на овој начин ќе си ја завршиме наставата.

Следете го редовно мојот блог и ФБ профил за евентуално некои нови напатствија.

Ви благодарам на разбирањето.

Предметен наставник

Откажана втората Риатач конференција во Скопје

Почитувани колешки и колеги,

Со голема разочараност морам да ви соопштам дека денес петок 13 март донесовме одлука да се откаже втората Риатач конференција што требаше да се одржи во Скопје од 29-30 мај 2020 година. За жал Корона вирусот Covid-19 овој пат е големиот фактор со кој не смееме да се опуштиме и да си играме. Ние како одговорни професионалци мораме да ги почитуваме препораките на СЗО и МЗ и заради тоа немавме друг избор.

Сите вие кои имавте уплатено котизација парите ќе ви бидат рефундирани назад во следните неколку седмици.

Искрено се надевам на разбирање од ваша страна.

Претседател на МНЗА

Список на семинарски трудови по Хумана генетика - 2020

Почитувани студенти,

По договорот од минатата седмица ви го проследувам списокот на семинарски трудови по предметот Хумана генетика. Нека ви е со среќа подготовката на семинарските трудови. Краен рок за поднесување на истите е 30.04. во печатена верзија кај мене и во електронска верзија на УСБ или ЦД кај студентката што го правеше списокот.

Бр. на индекс	Семинарски труд
10463/19	Waardenburg синдром
24973/19	Patau синдром
10471/19	Barr-ово тело
24980/19	Хромозоми
24992/19	Marfan синдром
24969/19	Edwards синдром
10482/19	Lejeun (Cri du chat) синдром
24998/19	Миотонична дистрофија
10467/19	Автосомно доминантно наследување
10501/19	Автосомно рецесивно наследување
10509/19	Полово врзано наследување
24978/19	Ретинобластом
25000/19	Williams синдром
24981/19	Klinefelter синдром
24988/19	Туберозна склероза
24970/19	Нумерички хромозомски аберации
10470/19	tRNA
10474/19	Транслација
10464/19	Генетско советување
24963/19	Down синдром
10492/19	DNA
10484/19	Пренатална дијагноза
24967/19	Неврофиброматоза
10490/19	pRNA
10491/19	Wolf синдром
10519/19	Фрагилен Х синдром
10483/19	Транслокации
10503/19	Митохондријално наследување
24966/19	Транскрипција на DNA
24974/19	Митоза

Предметен наставник