Менторирање

Драги дипломци, магистранди, докторанди,

Често пати се осврнувам на улогата на менторот и кандидатот во процесот на дипломирање, магистрирање или докторирање. Но, секогаш останува нешто недокажано. Еве сега ќе наведам повторно некои значајни работи доколку сакате да ме изберете или избегнете за ментор.

• Доколку сакате да протрчате низ трудовите и некаде ви се брза, ве молам избегнувајте ме.
• Доколку мислите дека магистратура и докторат се „мачкина кашлица“, тогаш не сум за вас.
• Доколку мислите дека е добро да одите со купена теза, не погледнувајте ме во очи.
• Доколку мислите дека можете да ме купите со пари или противуслуги, подалеку од мене.
• Ако ви треба човек да ве научи како се пишува научен труд, знаете каде може да ме најдете.
• Ако ви треба квалитетен, оригинален, интересен труд, вратата од мојот кабинет е секогаш отворена за вас.
• Ако ви треба трудот да ви биде цитиран, воопшто не се либете да ми се обратите.
• Ако ви треба квалитет, а не брзина на завршување, јас сум Вашиот човек на избор.

Менторот

Понуда на тема за дипломска работа

Почитувани идни дипломци,

Сите вие кои сакате да ме изберете мене за ментор имам една тема да ви понудам. Тоа е темата: „Медицински состојби кај развојните растројства во координацијата“. Имено оваа тема требаше да ја работи студентот С. К. кој од неразбирливи причини за мене се откажа без да ме информира, во меѓувреме си зема друга тема и друг ментор, што е крајно некоректно, невоспитано и претставува антистудентски потег. Кој мене ќе ми го насомести изгубеното време во консултации со него? Се прашувам што ли е тоа што ги тера стуентите да не бидат културни и да дојдат да ме погледнат во очи и да ме информираат дека сакаат да сменат тема, или барем со една е-пошта да ме информираат. Културно би требало да се извинат и потоа никому ништо, секој си оди по својот пат...

Драги студенти,

Никој не ве тера со сила да ме бирате за ментор, но откако веќе ќе ме одберете треба „играта да ја играте до крај“, а не вака со подмолни потези кои не личат на нормално студентско однесување. Дали треба да барам писмена согласност кога ме одбирате за ментор и потоа кој менува да има одредени морални материјални последици. Не, тоа не е решение, драги мои студенти.

Како и да е, една тема остана слободна, па повелете кој сака. Правилата на игра ги занете, сериозна работа и само работа, добро истражување со голем примерок и истражувачка тема. Нема дипломирање за еден месец од земање на темата, наведување на повеќе автори и некои други правила кои ќе ви бидат кажани устно на консултации.

Колегијален поздрав,

Менторот

Напомени за моите дипломци

Почитувани дипломци,
Сите вие кои ме избрвте за ментор на вашите дипломски работи, ви благодарам поради тоа. Сакам да ви се заблагодарам и да ви го насочам вашето внимание на неколку работи:

1. Мошне внимателно одберете ја вашата тема ако досега не сме ја детерминирале. Таа мора да е оригинална, актуелна, досега неработена на нашиот институт. Започнете рано со пребарување на интересна тема и не одложувајте за понатаму. Запипишувајте ги сите ваши идеи во тетратка. Потребно е долго и макотрпно пребарување на интернет на идеи за тема, на литература и сл. Темата мора да биде поврзана со мојата експертиза инаку чуму сум ви јас ментор? Кога ќе ја одберете вашата тема запоменте ги овие три збора: Фокус, Фокус, Фокус. Темата што ќе ја одберете мора посебно да ве интересира, инаку во спротивно никогаш нема да ја завршите дипломската работа ако одберете тема која не ви е интересна.
2. Барајте помош од вашиот ментор секогаш кога е тоа потребно. Но, не претерувајте во тоа. Ви стојам на рапсолагање за консултации во живо, преку е-пошта, па дури и на скајп. Пред секоја средба со мене, направете си листа со прашања кои сакате да ги дискутираме. По секоја средба со вашиот ментор не е лошо да напишете една е-пошта со клучните точки од состанокот која ќе служи како потсетник и за двајцата.
3. По одбирањето на темата потребно е да направите методолошка рамка од 2-3 страници во која ќе ги наведете целите, хипотезите на истражувањето, испитуваната и контролната група (доколку ја има) и начинот како планирате да го спроведете истражувањето. Во оваа фаза убаво би било да го доставите и прашалникот на истражувањето со кој мислите да ја спроведете студијата.
4. Зачувувајте копии од тоа што сте го напишале на повеќе компјутери или на стикови со надворешна меморија. Од искуството знам дека на студентите често знае да им се расипе компјутерот и потоа морале да започнат се` од ново, а тоа е губење време.
5. Кога ќе го завршите истражувањето следи пишувањето на дипломската работа, иако теоретскиот дел може да го пишувате паралено со изведувањето на истражувањето. Запомнете дипломската работа треба да биде напишана на околу 50 страници во програмот Ворд од кои 1/3 е теоретскиот дел, 2/3 истражувачкиот дел. Литературата во околу 50% да ви биде објавена во последните 5-6 години и да биде убаво цитирана. Секој автор што е цитиран во трудот, мора да се појави во листата на литературата. Детален водич за пишување на дипломски работи можете да најдете на овој блог ако пребарувате во полето за пребарување. Трудот треба да има најмалку 2-3 страници дискусија во која ќе ги компарирате сопствените резултати со туѓите претходно објавени од вашата област на истражување.

Како можете да направите предлог за истражување можете да најдете на следниот линк. Искрено се надевам дека барем малку ви помогнав во вашата дипломска работа.

Срдечно,

Менторот

Понуда на тема за дипломска или магистерска теза

Почитувани потенцијални дипломци и постдипломци,

Сакам да ви понудам една интересна тема за изработка на вашата дипломска работа или магистерски труд. Насловот на темата гласи: Планирање насочено кон личноста како третман кај аутизмот. Доколку ви се види интересна оваа тема и доколку сакате да ме одберете за ментор, пратете ми е-пошта во најскоро време. 

Што е планирање насочено кон личноста?

Person-centred planning is a way of helping someone to plan their life and support, focusing on what's important to the person. Person-centred planning has five key features:

• the person is at the centre of the planning process
• family and friends are partners in planning
• the plan shows what is important to a person now and for the future and what support they need
• the plan helps the person to be part of a community of their choosing and helps the community to welcome them
• the plan puts into action what a person wants for their life and keeps on listening - the plan remains 'live'.

Потенцијален ментор