Видео од првиот вебинар на МНЗА за сензорната пречувствителност и аутизмот

Почитувани колешки и колеги, драги родители на деца со АСН

Би сакал да се заблагодарам на сите вас што вчера не` следевте преку програмот Zoom, а за сите останати кои не беа во можност да го обезбедам видеото овде. Првиот вебинар носеше наслов: „Сензорна пречувствителност кај лица со аутистичен спектар на нарушувања“ и се реализираше во рамките на АСП проектот што го раководи МНЗА со финансиска поддршка на канцеларијата на УНИЦЕФ во Македонија. Презентер бев јас, а модератор потпретседателката на МНЗА. Од неразбирливи причини вебинарот вчера не одеше во живо на Јутјуб, иако МНЗА плати професионална верзија на Zoom. Но, еве сега го надополнуваме тој пропуст. Погледајте го вебинарот и дознајте повеќе за оваа проблематика. Пријавувајте се во неделите за следните вебинари и следете ги нашите социјални медиуми на Фејсбук, Твитер, Инстаграм, Линкедин и секако блогот на МНЗА.

Претседател на МНЗА

Онлајн сервис за поддршка на деца со аутизам и нивните семејства

Како реакција на пролонгираната ситуација со рестриктивните мерки за спречување на ширењето на КОВИД-19, активностите од Autism Social Skills and Positive Parenting (ASP) програмата се префрлаат онлајн. Во партнерство со УНИЦЕФ и со поддршка од Амбасадата на Обединетото кралство, Македонското научно здружение за аутизам започнува со обезбедување на специјализирана онлајн поддршка за деца со аутизам и нивните семејства.
Во рамки на ASP програмата, нашиот тим од специјални едукатори и логопеди ќе испорачува индивидуализирани едукативни услуги за поддршка на социјалниот развој на децата со аутизам и промовирање позитивни родителски практики.
Нашиот пристап се заснова на разбирање на предизвиците на детето и семејството. Свесни за потребата од воспоставување рутина за децата со аутизам и обезбедување соодветни адаптации во околината и начинот на подучување, развивме дигитални материјали кои овозможуваат индивидуално скроена компензаторна поддршка во едукативниот третман.
Поддршката која ја обезбедува нашиот стручен тим е насочена кон организација на просторот, социјална поддршка, комуникациска поддршка и бихејвиорална поддршка. Исто така, алатките ќе ги поддржат и родителите на децата со аутизам во примената на позитивни родителски практики, базирани на разбирање на однесувањето на детето, негово ефикасно менаџирање и превентивно делување.
Услугите се испорачуваат бесплатно. Повеќе информации за сервисот може да добиете на тел: 078 346-565 секој работен ден од 9 до 18 часот. Повелете закажете термин.

ИО МНЗА

МНЗА со нов проект заедно со УНИЦЕФ

Почитувани колешки и колеги,

Со особено задоволство сакам да ви соопштам дека МНЗА потпиша договор за соработка со УНИЦЕФ на проектот: “Autism Social Skills and Positive Parenting Program", а финансиски подржжан од Владата на Велика Британија. Ова ќе биде едногодишен проект со времетраење до 31 јули 2020 година. МНЗА веќе 19 години се грижи за квалитетот на живот на децата со аутистичен спектар на нарушувања и нивните семејства во нашата држава и пошироко. Искрено се надеваме дека од овој проект ќе видат голем бенефит самите деца, родителите како и професионалците кои работат во некои од центрите во Македонија. Би сакал да ја изразам мојата благодараност на канцеларијата на УНИЦЕФ за тоа што го препозна овој проект за значаен и му додели минигрант на МНЗА. Исто така благодараност заслужуваат сите вклучени лица кои учествуваа во подготовката на предлог проектот и на состаноците со вработените во канцеларијата на УНИЦЕФ. Нам во МНЗА не` очекува долго и топло лето, иако надвор не личи баш така во моментов.

Претседател на МНЗА