МНЗА со нов проект заедно со УНИЦЕФ

Почитувани колешки и колеги,

Со особено задоволство сакам да ви соопштам дека МНЗА потпиша договор за соработка со УНИЦЕФ на проектот: “Autism Social Skills and Positive Parenting Program", а финансиски подржжан од Владата на Велика Британија. Ова ќе биде едногодишен проект со времетраење до 31 јули 2020 година. МНЗА веќе 19 години се грижи за квалитетот на живот на децата со аутистичен спектар на нарушувања и нивните семејства во нашата држава и пошироко. Искрено се надеваме дека од овој проект ќе видат голем бенефит самите деца, родителите како и професионалците кои работат во некои од центрите во Македонија. Би сакал да ја изразам мојата благодараност на канцеларијата на УНИЦЕФ за тоа што го препозна овој проект за значаен и му додели минигрант на МНЗА. Исто така благодараност заслужуваат сите вклучени лица кои учествуваа во подготовката на предлог проектот и на состаноците со вработените во канцеларијата на УНИЦЕФ. Нам во МНЗА не` очекува долго и топло лето, иако надвор не личи баш така во моментов.

Претседател на МНЗА

Излезе онлајн трудот во списанието Journal of Autism and Developmental Disorders

Почитувани колешки и колеги,

Сакам да ве информирам дека излезе онлајн трудот во списнаието Journal of Autism and Developmental Disorders https://doi.org/10.1007/s10803-019-04135-5, за кој неодамна објавив на ФБ. Трудот е со наслов: Efects of a Computer‑Based Intervention on Emotion Understanding in Children with Autism Spectrum Conditions од авторите Ivana Vasilevska Petrovska и Vladimir Trajkovski. Инаку ова е дел од нејзиниот магистерски труд одбранет пред 2,5 години на нашиот институт. Упатувам голема благодарност до потпретседателката на МНЗА за нејзиниот труд, упорност, верба во себе и во мене за да излезе истиот во ова реномирано списание со фактор на влијание. Списанието го издава издавачката куќа Springer Nature. Исто така се заблагодарувам на сите родители и деца со аутизам кои земаа учество во оваа студија и на сите други кои на некој начин помогнаа за да биде квалитетен. Искрено се надевам дека ќе биде читан, споделуван и цитиран. Инаку, трудот можете да го преземете од следниот линк.

Претседател на МНЗА и коавтор

Термини за полагање испити втор циклус на студии - август/септември сесија 2019

Почитувани постдипломци,
Во прилог се термините за полагање испити по моите предмети од втор циклус на студии за есенската сесија:

Прва декада
29.08.2019 - Аутизам - 09:00 часот
29.08.2019 -  Медицинска рехабилитација на моторни нартушувања - 12:00 часот

Втора декада
10.09.2019 -  Аутизам   09:00 часот

10.09.2019 -  Медицинска рехабилитација на моторни нартушувања - 12:00 часот

Го задржувам правото за промена на термините заради дејство на виша сила, а вие сте должни да го следите овој блог. Среќно подготвување на испитите!

Предметен наставник

Термини за полагање испити прв циклус - август/септември сесија 2019

Почитувани студенти,

Уште не попчнал одморот, а веќе мора да се подготвуваме за есенската сесија. Во прилог се термините за испити за августовско-септемвриската сесија во 2019 година. Вие имате право да полагате само во една декада. По еден претставник од секоја генерација треба да ми достави список кој студент/ка во која декада ќе полага. Вие сте должни да дојдете 15 минути пред дадениот термин пред библиотеката на Институтот за специјална едукација и рехабилитација. На испит се доаѓа со пријава за испит. Ниту еден студент нема да биде примен на полагање без потпис, без освоени 15 ЕКТС поени и доколку доцни. Го задржувам правото за промена на термините заради болест, учество на конгрес или некоја друга непредвидлива виша сила. Вие сте должни да ги следите моите социјални медиуми и навреме да се информирате за сите новини и евентуални промени.

Прва декада

26.08.2019 - ФФА, ХГФ во 08:00
27.08.2019 - ХГ, МОИ во 08:00

Втора декада
02.09.2019 - ФФА, ХГФ во 08:00
03.09.2019 - ХГ, МОИ во 08:00 часот.

Предметен наставник

I-ва меѓународна конференција „Образованието и современото општество" ќе се одржи во Будва

Почитувани колешки и колеги,

Како член на научниот одбор имам осоебна чест да ве поканам на I-та меѓународна конференција „Образованието и современото општество" што ќе се одржи во Будва од 18 до 20 октомври 2019 година. На конференцијата планирам да презентирам два труда од областа на аутизмот и тоа еден самостоен и еден коавторски со помладите колешки. Им благодарам на организаторите за поканата да бидам дел од оваа значајна конференција за колегите од Црна Гора и пошироко од екс југословенските простори. Во прилог темите, условите, датумите, пријавувањето и други контактни информации.

Член на научниот одбор