AI училница по Хумана генетика

Почитувани студенти,

Како и за минатиот предмет така и за Хумана генетика, минатата година ви подготвив АИ асистент за Хумана генетика. Кликнете на линкот и користете ја оваа алатка како дополнителен ресурс за учење по предметот. Секоја ваша забелешка ќе биде добредојдена. Само треба да сакате да ја користите алатката.

Среќно,

Предметен наставник

8. Меѓународна недела на Филозофскиот факултет во Скопје

Почитувани колешки и колеги,

Како еден од модераторите и предавачите на 8. Меѓународна недела на Филозофскиот факултет во Скопје, ја користам оваа пригода да поканам од утре до петок да присуствувате на истата. Утре 23.02.2026 е отворањето и првите сесии. Сите сесии ќе се одвиваат во Амфитеатар 3 (попознат како голем амфитеатар).

Особено сакам да ве ги поканам сите млади истражувачи, магистранти, докторанди, на сесијата во среда на 25 февруари кога гостин ќе ни биде професорот Џон Велс кој ни доѓа од Ирска и кој има Хиршов индекс 33. Упатените знаат дека тоа покажува огромно научно влијание во светот на науката.

Сите сесии, прашања и дискусии ќе се одвиваат на англиски јазик.

Повелете, Ве очекуваме.

Еден од предавачите

Формулар за пријава на трибина по повод „Неделата на отворен пристап“

Почитувани колешки и колеги,

„Заедницата над комерцијализацијата“ е темата за овогодинешната Меѓународна недела на отворен пристап (23-29 октомври). Оваа тема охрабрува искрен разговор за тоа кои пристапи за отворање стипендија им даваат приоритет на најдобрите интереси на јавноста и академската заедница - а кои не.

Усвоена од нејзините 193 земји-членки, Препораката на УНЕСКО за отворена наука ја нагласува потребата да се даде приоритет на заедницата пред комерцијализацијата во нејзините повици за спречување на „неправедна екстракција на профит од јавно финансирани научни активности“ и поддршка за „некомерцијални издавачки модели и колаборативни објавување модели без трошоци за обработка на написи“. Со фокусирање на овие области, можеме да ја постигнеме првобитната визија наведена кога првпат беше дефиниран отворениот пристап: „стара традиција и нова технологија се споија за да овозможат јавно добро без преседан“.

Кога комерцијалните интереси се приоритетни пред оние на заедниците на кои истражувањето сака да им служи, се појавуваат многу загрижувачки прашања. Неделата на отворен пристап дава можност за поединци да разговараат за прашања кои се најрелевантни во нивниот локален контекст. Тие може да вклучуваат: Што се губи кога сè помал број на корпорации го контролираат производството на знаење наместо самите истражувачи? Која е цената на деловните модели кои зацврстуваат екстремни нивоа на профит? Кога собирањето и употребата на лични податоци почнува да ја поткопува академската слобода? Може ли комерцијализацијата некогаш да функционира во поддршка на јавниот интерес? Кои опции за користење на инфраструктурата контролирана од заедницата веќе постојат што би можеле подобро да им служат на интересите на истражувачката заедница и јавноста (како што се сервери за предпечатење, складишта и отворени платформи за објавување)? Како можеме да го префрлиме стандардното кон користење на овие опции за заедницата?

Избрана од Советодавниот комитет на неделата за отворен пристап, овогодинешната тема дава можност да се здружиме, да преземеме акција и да ја подигнеме свеста за важноста на контролата на заедницата на системите за споделување знаење. Неделата на отворен пристап 2023 година ќе се одржи од 23-ти до 29-ти октомври; сепак, секој е охрабрен да биде домаќин на дискусии и да преземе акција секогаш кога е најпогодно во текот на годината и да ги приспособи темата и активностите на нивниот локален контекст.

Слушатели: Уредници и заменици уредници, членови на уредувачки одбори од општесвено-хуманистички и биомедицински списанија од Македонија, библиотекари од ФЗФ, биомедицински и други библиотеки и друг стручно-админстративен персонал од списанијата.

Времетрање на едно предавање: 35 мин + 10 мин дискусија.

Ден на одржување 24.10.2023

Начин на одржување: во живо во сала за седници на ФЗФ со максимум 50 учесници

Котизација: нема

ПРОГРАМА

• Регистрација на учесниците од 11:30 до 12:00 часот
• Отворање на трибината од 12:00 до 12:15 часот
• Поздравна реч на деканот на Филозофски факултет проф. д-р Ратко Дуев
• Поздравна реч на претседателот на МЗМУ проф. д-р Дијана Плашевска Каранфилска
• Краток осврт на „Неделата на отворен пристап“ во Македонија проф. д-р Владимир Трајковски

12:15 – 13:00

Проф. д-р Дончо Донев

Отворен пристап и предаторско објавување

Дискусија

13:00 – 13:45

Проф. д-р Гордана Ристовска

Отворен пристап за подобра научна заедница

Дискусија

13:45 – 14:30

Проф. д-р Владимир Трајковски

Иницијатива за отворени цитати

Дискусија

14:30 – 15:15

Проф. д-р Мирко Спироски

Наука со отворен пристап и вештачка интелигенција

Дискусија

15:15

Заклучоци

Пријава на слушатели најдоцна до 15.10.2023 година на следниот ЛИНК

Генерален секретар на МЗМУ

Информација до медиумите – повод едукативниот семинар на МНЗА за катастрофи

Почитувани претставници на медиумите,

Македонското научно здружение за аутизам (МНЗА) по повод завршување на проектот „Учам и ги надминувам своите граници“ има чест да Ве покани на промоцијата што ќе се одржи во понеделник на 12.12.2022 година во 12:00 часот во сала за седници на Филозофскиот факултет во Скопје.

Проектот е финансиран од Еразмус плус програмата на ЕУ и истиот го спроведуваме заедно со други 7 асоцијации од Турција, Италија и ЕДСА.

Проектот е наменет за изработка на образовни документи со специјална образовна методологија за да можат лицата со аутизам, Даун синдром или интелектуална попреченост да се стекнат со вештини за да го покажат вистинскиот курс на дејствување по катастрофи и вонредни ситуации.

Главните цели на овој проект се:Комуницирање со луѓе од доверба,

Да се остане безбеден,

Надминување на различни ризици од катастрофи и итни случаи.

На промоцијата ќе бидат прикажани резултатите од проектот. Повеќе информации за проектот може да се најдат на веб страниците: http://afadotizmdown.ogu.edu.tr/ и https://www.lebelproject.com/.

Покрај членовите на МНЗА ќе присуствуваат и членови од Дирекцијата за управување со кризи, претставници на Црвениот Крст на град Скопје, родители на деца со аутизам, Даун синдром, интелектуална попреченост и други невладини организации.

Во прилог на оваа информација ви ја праќаме и програмата на настанот и постерот за илустрација. Доколку сте заинтересирани за изјави Ве молиме најдоцна во 11:45 часот да бидете во салата за седници на Филозофскиот факултет во Скопје.

Белешки до уредникот

МНЗА е национална асоцијација со најдолг стаж од 22,5 години во полето на аутизмологијата во Македонија. Главна цел е да ги унапреди правата на лицата со аутизам и нивните семејства и да им помогне да го подобрат квалитетот на нивниот живот. Обезбедува ефективна и ефикасна врска со други меѓународни организации за аутизам и соработува со меѓународни научни и образовни институции. Членовите на МНЗА објавуваат книги, прирачници, памфлети, брошури, како и научни трудови во високо реномирани научни списанија со фактор на влијание.

Претседател на МНЗА

Работилница: „Етика во научното пишување и објавување во биомедицината и сродни полиња“ - 24.06.2021

Почитувани колешки и колеги,

Ве известувам за одржување на втора научна едукативна Работилница за млади научници и членови на уредувачки одбори на научни списанија: „Етика во научното пишување и објавување во биомедицината и сродни полиња“, во организација на Македонско американската алумни асоцијација (МААА) и Македонското здружение на медицински уредници (МЗМУ), со поддршка преку мини-грант од Амбасадата на САД во Македонија, а која ќе се одржи во Филозофскиот факултет (Амфитеатар 3) при Универзитетот „Св. Кирил и Методиј“ во Скопје, на 24.06.2021 г., од 8:30 - 14:00 часот.

Многу е важно секој млад стручњак и научник да развие вештини за научно пишување и објавување, со цел да ги промовира рeзултатите од своите професионални активности и научна работа.

Многу млади научници немаат доволно информации за принципите на етиката во научната комуникација и објавување и имаат потреба од зајакнување на вештините за научното пишување поради недоволно знаење и искуство за подготовка на солиден ракопис што ќе ги задоволи барањата на рецензентите и да биде прифатен за објавување во списание со рецензија и отворен пристап, посебно на повисоко ниво и со фактор на влијание (Impact Factor).

Затоа е организирана оваa Работилница, наменета за млади научници и членови на уредувачки одбори на научни списанија, кои ги подготвуваат своите први ракописи или би сакале да ги подобрат своите вештини за пишување и објавување трудови во научни списанија.

Целта на Работилницата е да се зголеми свеста кај младите научници за меѓународните критериуми и стандарди во научното пишување и објавување и да се спречи лошо однесување и измама, плагијаторство и патологија на авторството во научното издаваштво. Покрај тоа, да се обезбеди практична обука за млади научници со цел да им се овозможи правилна и научно издржана комуникација на резултатите од истражувањето и презентирање на податоците во ракописот од „Вовед, методи и резултати“ до деловите „Дискусија“ и „Заклучок“, како и да развијат вештини за рецензирање и критичко читање на објавената литература.

Учеството во Работилницата е бесплатно, а пријавувањето е со пополнување и електронско доставување на Формуларот за регистрација.

„Млади научници се сите кои сакаат да учат и да ги надградуваат своите знаења за научната комуникација и етика и објавувањето трудови во научни списанија со рецензија, независно од возраста.“

ПРОГРАМА

24 јуни (Четврток), 2021

08:30 - 09:00 Регистрација на учесниците

Претседателство: Aкад. Сашко Кедев, проф. Дијана Плашеска
Каранфилска, м-р Верица Јорданова

09:00 - 09:15 Oтворање на Работилницата со поздравни говори и
претставување на учесниците
Проф. Ратко Дуев, декан на Филозофскиот факултет во Скопје
Aкад. Сашко Кедев, претседател на МЗМУ
M-р Верица Јорданова, претседател на МААА


09:15 - 10:00 Принципи на научната комуникација, етика во издаваштвото и
структура на научниот труд
Проф. Дончо Донев

10:00 - 10:45 Фази и етички норми во медицинските истражувања
Проф. Емилија Шукарова-Стефановска


10:45 - 11,30 Процес на рецензија и одлука на Главниот уредник за
прифаќање или одбивање на ракописот
Проф. Владимир Трајковски

11:30 - 11:45 Кафе пауза

11:45 - 12:30 Aвторство – патологија и меѓународни критериуми за праведна
распределба на авторството
Проф. Дончо Донев

12:30 - 13:15 Oтворен пристап како иднина во академското објавување,
плагијат и самоплагијат
Проф. Владимир Трајковски


13:15 - 13:30 Вежба 1: Критичко читање и рецензирање на ракопис

Вовед и препораки: Проф. Дончо Донев
13:30 - 15:45 Eвалуација на работилницата
13:45- 14:00 Доделување на сертификати
14:00 Затварање на работилницата

Еден од предавачите

НЕДЕЛА НА ЗАЕДНИЧКО РЕЦЕНЗИРАЊЕ - 2020

Почитувани магистранди, докторанди, уредници, библиотекари,

Оваа година Неделата на заедничко рецензирање ќе се одржи преку трибина насловена како: Рецензирање во македонските научни списанија кои се цитираат во Scopus во организација на Научната фондација СПИРОСКИ и Филозофскиот факултет од Скопје.

Неделата на заедничко рецензирање е годишен глобален настан кој ја прославува основната улога на заедничкото рецензирање која ја има во одржување научен квалитет. Настанот ги обединува поединиците, институциите и организациите посветени на размена на централната порака која е критична во академското комуницирање за добро заедничко рецензирање, во било кој облик и форма да е.

Предавањата ќе се држат според протокол за заштита од КОВИД-19. Место на одржување е Филозофски факултет, Скопје, Амфитеатар 3, на 21 септември, 2020 година од 10:00 до 13:00 часот. Котизацијата е спонзорирана од Научна фондација СПИРОСКИ. Доколку сте заинтересирани ве молам да се пријавите на: mspiroski@id-press.eu.

ПРОГРАМА

21 септември, 2020 година

10:00-10:30 Регистрација

10:30-10:45 Отворање

10:45-11:10 Ставовите на уредниците и членовите на уредувачките одбори на научните списанија од Македонија за отвореното рецензирање. Проф. д-р Владимир Трајковски, Филозофски факултет, УКИМ, Скопје, Република Македонија

11:10-11:15 Дискусија

11:15-11:40 Рецензирање во Open Access Macedonian Journal of Medical Sciences со платформата на Open Journal Systems (OJS). Проф. д-р Сашо Столески, Институт за медицина на трудот, Медицински факултет, УКИМ, Скопје, Република Македонија

11:40-11:45 Дискусија

11:45-12:10 Уредување и издавање на Journal of Hygienic Engineering and Design и уредување на книги во издание на Elsevier. Проф. д-р Владимир Какуринов, Консалтинг и тренинг центар КЛУЧ, Скопје, Република Македонија

12:10-12:15 Дискусија

12:15-12:40 Македонски ветеринарен преглед – двојно слепа рецензија преку Manuscript Manager софтверски систем. Проф. д-р Флорина Поповска-Перчиниќ, Проф. д-р Лазо Пендовски, Факултет за ветеринарна медицина – Скопје, Универзитет „Св. Кирил и Методиј“ во Скопје, Република Македонија

12:40-12:45 Дискусија

12:45-13:10 Publons: Објавени трудови, метрика за цитирање, заедничко рецензирање и работа во уредувањето списанија на едно место. Проф. д-р Мирко Спироски, Научна фондација СПИРОСКИ, Скопје, Република Македонија

13:10-13-15 Дискусија

ЈРТДД главен и одговорен утредник