Презентации од конференцијата: 10 години од формирањето на МЗМУ

Почитувани колешки и колеги,

На 25 април 2024 година Македонското научно здружение на медицински уредници го прослави својот јубилеј 10 години од своето формирање. НАУЧНАТА КОНФЕРЕНЦИЈА СО МЕЃУНАРОДНО УЧЕСТВО: НАУЧЕН И ПУБЛИЦИСТИЧКИ ИНТЕГРИТЕТ ВО БИОМЕДИЦИНАТА се одржа во МАНУ со 105 регистрирани учесници, плус 20 на платформата ЗУМ. Беа презентирани 15 трудови кои овде сакам да ги споделам во ПДФ формат и видео формат.

1. Проф. д-р Валентин Мирчевски: Смислата и значењето на научното публицирање  PDF   Video
2. Проф. д-р Ана Марушиќ: Предизвици за интегритетот на истражувањето   PDF   Video
3. Проф. д-р Мирко Спироски: Научно издаваштво во Република Македонија анализирано со вештачка интелигенција   PDF   Video
4. Проф. д-р Јадранка Стојановски: Поддршка на научната заедница во усвојување на практики за отворена наука   PDF   Video
5. Проф. д-р Изет Машиќ: Библиометриски индекси - предности и недостатоци во практичната примена за научната валидност на авторите и нивните научни содржини   PDF
6. Проф. д-р Дончо Донев: Организиран пристап за сузбивање на предаторските списанија и издаваштво   PDF   Video
7. Проф. д-р Гордана Петрушевска: Плагијаризам и самоплагијаризам, фабрикување и фалсификување на резултати од истражување   PDF   VIdeo
8. Проф. д-р Гоце Спасовски: Списанија со отворен пристап   PDF   Video
9. Проф. д-р Флорина Поповска Перчиниќ: Етички стандарди во научното публикување - искуство на меѓународното научно списание „Македонски ветеринарен преглед“   PDF   Video
10. Проф. д-р Азис Положани: Списание на Југоисточна Европа за одржлив развој (СЕЕЈСД) - научна платформа за одржлив развој на регионот Југоисточна Европа   PDF   Video 
11. Милица Шевкушиќ: Поим за квалитет во списанијата со отворен пристап   PDF   Video
12. Прим. д-р м-р сци. Илија Глигоров: Преглед на достапни електронски веб страници на здруженија на медицински уредници и портали на медицинско уредување   PDF   Video
13. Ана Ѓорѓевиќ: Научен интегритет на Универзитетот во Белград -
    Хемиски факултет во контекст на одговорна процена на истражување   PDF   Video 
14. Павло Коломиец: Научник од 21-от век - Социјални мрежи и апликации за научници   PDF   Video
15. Проф. д-р Владимир Трајковски: Планот С - иднината на објавувањето во отворен пристап   PDF   Video

Претседател на научен одбор

Јавна благодарност

Почитувани колешки и колеги,

Како што веќе објавив претходните денови, денес се реализираше конференцијата по повод 10 години од постоењето на Македонското здружение на медицинските уредници (МЗМУ) во МАНУ. На затворањето се заблагодарив на многу луѓе кои помогнаа во реализацијата на конференцијата. Моите 10 најблиски соработнички не ги кажав, но еве сега ја користам оваа пригода да им се заблагодарам јавно. Огромна благодарност на м-р Ирена Стојановска за заедничката подготовка на постери, водењето на конференцијата, техничката поддршка, фотографирањето и правењето на видеа во следните денови. Не помало благодарам заслужува и м-р Андреа Ивановска за заедничката подготовка на постери, визуелниот дизајн на постерите и сертифкатите, за испраќањето на сертификатите на учесниците без презентација на труд. Секако овде влегуваат и седумте студентки од прва година и едната апсолвентка. Од разбирливи причини не би им ги спомнувал нивните имиња, многу добро си знаат кои се. Тие несебично помогнаа во регистрацијата, помошта во кафе паузите и фотографирањето. Како што ветив тие ќе бидат наградени.

ВИ БЛАГОДАРАМ НА СИТЕ УШТЕ ЕДНАШ! (ретко пишувам со големи букви, тоа го правам кога сум или многу лут, или многу благодарен :) ).

Претседател на научен одбор

СООПШТЕНИЕ ДО МЕДИУМИТЕ

Предмет: 10 години од основањето на Македонското здружение на медицински уредници (МЗМУ)

Почитувани претставници на медиумите,

Имаме особена чест и задоволство да Ве информираме дека на 25 април (четврток) Македонското здружение на медицински уредници го прославува својот 10-ти роденден од своето постоење. Тоа е период кој не е ниту многу долг, но ниту многу кус. Сакаме да укажеме дека ова е прво вакво национално здружение во Југоисточна Европа. Годините наназад беа исполнети со многу премрежија на општествено политичката сцена во Македонија, војните во Украина и Газа, пандемијата со Ковид-19 и тоа се рефлектираше врз работењето на Здружението. Активностите беа исполнети со многу подеми и падови. Речиси со минимални финансиски средства, успеавме да реализираме многу од нашите цели и задачи.

Основна цел на Здружението е да се подобри квалитетот и нивото на медицинските списанија преку размена на информации и искуства за уредување и издавање на медицинските списанија и воспоставување на правила согласно меѓународните стандарди за научна и публицистичка етика и интегритет, како и континуирана размена на информации и едукација на уредниците и членовите на Уредувачкиот одбор на научните списанија, научниот подмладок и научната заедница во Македонија, во соработка со Македонската академија на науките и уметностите, соодветните министерства, универзитети и факултети, професионални здруженија и комори, како и со релевантните меѓународни агенции и асоцијации.

Во сите овие години покажавме дека можеме да се носиме рамноправно со други вакви здруженија од ЕУ и светот, да бидеме лидери во Македонија за едукација и размена на информации за интегритетот и научната и публицистичка етика и превенција на измама во областа на биомедицината. Во сите овие 10 години, преку разни видови активности на Здружението, се трудевме да ја зголемиме свесноста за интегритетот во академското пишување и објавување. Организиравме четири едукативни работилници од кои три за млади научници од биомедицинските и сродни науки. Во периодот зад нас, исто така, два пати ја одбележавме „Меѓународната недела на рецензирањето“ што се одржува во месец септември и имавме четири настани по повод „Меѓународната недела за отворен пристап“ што се одбележува секоја година во месец октомври на светско ниво.

Годинава, решивме токму на денот на основањето 25 април, да ја крунисаме нашата самопрегорна работа со организирање на НАУЧНА КОНФЕРЕНЦИЈА СО МЕЃУНАРОДНО УЧЕСТВО: НАУЧЕН И ПУБЛИЦИСТИЧКИ ИНТЕГРИТЕТ ВО БИОМЕДИЦИНАТА. Конференцијата ќе се одржи во Македонската академија на науките и уметностите со почеток во 8:30 часот (регистрација на учесниците). На конференцијата ќе бидат презентирани 15 трудови од кои шест на поканети предавачи од Хрватска, Босна и Херцеговина, Србија, Украина и девет трудови од македонски автори. За оние кои нема да можат да дојдат лично, обезбедена е ЗУМ конференциска врска. За конференцијата постои голем интерес од домашната стручна и научна јавност и досега се пријавени 146 учесници. Очекуваме дека оваа конференција ќе има одглас и значајно влијание во доменот на академското публицирање во Македонија, во регионот и пошироко.

МЗМУ мошне често е присутно со популарни објави на социјалните медиуми со што сакаме да споделуваме информации за подигнување на свесноста и едукација за научната и публицистичка етика на сите заинтересирани страни во нашата заедница и пошироко.

Искрено се надеваме дека вие како медиуми ќе помогнете во покривање на овој настан преку објавување на содржини, слики, или видео прилози на вашите електронски, печатени и ТВ медиуми.

Ние, членовите на МЗМУ ќе продолжиме да споделуваме релевантни информации и да едуцираме млади кадри, да креираме нови проекти и да објавуваме научни трудови, во насока на подобрување на академскиот интегритет и дигнитет.

Скопје                                                                                     Со почит,

24.04.2024                                                                                Генерален секретар на МЗМУ

 

 

 

                                                                                               

 

                                          

Трибина по повод „Недела на отворен пристап“ - 24.10.2023

Почитувани колешки и колеги,

Најпрвин честит празник „Денот на македонската револуционерна борба“. Ја користам уште еднаш приликата да ги поканам на трибината „Заедницата над комерцијализацијата“ што ќе се одржи утре 24.10.2023 година во салата за седници на Филозофски факултет, УКИМ – Скопје. Соорганизатор е Македонското здружение на медицински уредници.

„Заедницата над комерцијализацијата“ е темата за овогодинешната Меѓународна недела на отворен пристап (23-29 октомври). Оваа тема охрабрува искрен разговор за тоа кои пристапи за отворање стипендија им даваат приоритет на најдобрите интереси на јавноста и академската заедница - а кои не.

Усвоена од нејзините 193 земји-членки, Препораката на УНЕСКО за отворена наука ја нагласува потребата да се даде приоритет на заедницата пред комерцијализацијата во нејзините повици за спречување на „неправедна екстракција на профит од јавно финансирани научни активности“ и поддршка за „некомерцијални издавачки модели и колаборативни објавување модели без трошоци за обработка на написи“. Со фокусирање на овие области, можеме да ја постигнеме првобитната визија наведена кога првпат беше дефиниран отворениот пристап: „стара традиција и нова технологија се споија за да овозможат јавно добро без преседан“.

Кога комерцијалните интереси се приоритетни пред оние на заедниците на кои истражувањето сака да им служи, се појавуваат многу загрижувачки прашања. Неделата на отворен пристап дава можност за поединци да разговараат за прашања кои се најрелевантни во нивниот локален контекст. Тие може да вклучуваат: Што се губи кога сè помал број на корпорации го контролираат производството на знаење наместо самите истражувачи? Која е цената на деловните модели кои зацврстуваат екстремни нивоа на профит? Кога собирањето и употребата на лични податоци почнува да ја поткопува академската слобода? Може ли комерцијализацијата некогаш да функционира во поддршка на јавниот интерес? Кои опции за користење на инфраструктурата контролирана од заедницата веќе постојат што би можеле подобро да им служат на интересите на истражувачката заедница и јавноста (како што се сервери за предпечатење, складишта и отворени платформи за објавување)? Како можеме да го префрлиме стандардното кон користење на овие опции за заедницата?

Избрана од Советодавниот комитет на неделата за отворен пристап, овогодинешната тема дава можност да се здружиме, да преземеме акција и да ја подигнеме свеста за важноста на контролата на заедницата на системите за споделување знаење. Неделата на отворен пристап 2023 година ќе се одржи од 23-ти до 29-ти октомври; сепак, секој е охрабрен да биде домаќин на дискусии и да преземе акција секогаш кога е најпогодно во текот на годината и да ги приспособи темата и активностите на нивниот локален контекст.

Модератор на трибината ќе биде м-р Андреа Ивановска.

Котизација не се плаќа, а сите учесници кои ќе ја проследат целата трибина ќе добијат електронски сертификат.

Задолжително е пријавување на слушателите на Гугл формуларот

Генерален секретар на МЗМУ

Формулар за пријава на трибина по повод „Неделата на отворен пристап“

Почитувани колешки и колеги,

„Заедницата над комерцијализацијата“ е темата за овогодинешната Меѓународна недела на отворен пристап (23-29 октомври). Оваа тема охрабрува искрен разговор за тоа кои пристапи за отворање стипендија им даваат приоритет на најдобрите интереси на јавноста и академската заедница - а кои не.

Усвоена од нејзините 193 земји-членки, Препораката на УНЕСКО за отворена наука ја нагласува потребата да се даде приоритет на заедницата пред комерцијализацијата во нејзините повици за спречување на „неправедна екстракција на профит од јавно финансирани научни активности“ и поддршка за „некомерцијални издавачки модели и колаборативни објавување модели без трошоци за обработка на написи“. Со фокусирање на овие области, можеме да ја постигнеме првобитната визија наведена кога првпат беше дефиниран отворениот пристап: „стара традиција и нова технологија се споија за да овозможат јавно добро без преседан“.

Кога комерцијалните интереси се приоритетни пред оние на заедниците на кои истражувањето сака да им служи, се појавуваат многу загрижувачки прашања. Неделата на отворен пристап дава можност за поединци да разговараат за прашања кои се најрелевантни во нивниот локален контекст. Тие може да вклучуваат: Што се губи кога сè помал број на корпорации го контролираат производството на знаење наместо самите истражувачи? Која е цената на деловните модели кои зацврстуваат екстремни нивоа на профит? Кога собирањето и употребата на лични податоци почнува да ја поткопува академската слобода? Може ли комерцијализацијата некогаш да функционира во поддршка на јавниот интерес? Кои опции за користење на инфраструктурата контролирана од заедницата веќе постојат што би можеле подобро да им служат на интересите на истражувачката заедница и јавноста (како што се сервери за предпечатење, складишта и отворени платформи за објавување)? Како можеме да го префрлиме стандардното кон користење на овие опции за заедницата?

Избрана од Советодавниот комитет на неделата за отворен пристап, овогодинешната тема дава можност да се здружиме, да преземеме акција и да ја подигнеме свеста за важноста на контролата на заедницата на системите за споделување знаење. Неделата на отворен пристап 2023 година ќе се одржи од 23-ти до 29-ти октомври; сепак, секој е охрабрен да биде домаќин на дискусии и да преземе акција секогаш кога е најпогодно во текот на годината и да ги приспособи темата и активностите на нивниот локален контекст.

Слушатели: Уредници и заменици уредници, членови на уредувачки одбори од општесвено-хуманистички и биомедицински списанија од Македонија, библиотекари од ФЗФ, биомедицински и други библиотеки и друг стручно-админстративен персонал од списанијата.

Времетрање на едно предавање: 35 мин + 10 мин дискусија.

Ден на одржување 24.10.2023

Начин на одржување: во живо во сала за седници на ФЗФ со максимум 50 учесници

Котизација: нема

ПРОГРАМА

• Регистрација на учесниците од 11:30 до 12:00 часот
• Отворање на трибината од 12:00 до 12:15 часот
• Поздравна реч на деканот на Филозофски факултет проф. д-р Ратко Дуев
• Поздравна реч на претседателот на МЗМУ проф. д-р Дијана Плашевска Каранфилска
• Краток осврт на „Неделата на отворен пристап“ во Македонија проф. д-р Владимир Трајковски

12:15 – 13:00

Проф. д-р Дончо Донев

Отворен пристап и предаторско објавување

Дискусија

13:00 – 13:45

Проф. д-р Гордана Ристовска

Отворен пристап за подобра научна заедница

Дискусија

13:45 – 14:30

Проф. д-р Владимир Трајковски

Иницијатива за отворени цитати

Дискусија

14:30 – 15:15

Проф. д-р Мирко Спироски

Наука со отворен пристап и вештачка интелигенција

Дискусија

15:15

Заклучоци

Пријава на слушатели најдоцна до 15.10.2023 година на следниот ЛИНК

Генерален секретар на МЗМУ

3. работилница за млади истражувачи за научна и публицистичка етика

Почитувани колешки и колеги,

Следејќи го досегашното искуство за успешно организирање на две научни работилници, со задоволство ја најавуваме третата заедничка MAAA-MЗMУ Работилница за млади научници за научна и публицистичка етика и пишување научни трудови. Работилницата ќе се одржи на 15.06.2023 г. (четврток) со почеток-пријавување од 8,30 ч. на Филозофскиот факултет, Универзитет Св. Кирил и Методиј-Скопје во Сала за седници на првиот спрат.

Многу е важно секој научник да развие вештини за научно пишување и објавување со цел да ги промовира неговите/нејзините истражувачки наоди и професионални активности. На многу млади научници им недостигаат информации за принципите на научната комуникација и публицистичката етика и им треба охрабрување за научно пишување поради недоволното знаење и вештини за да подготват солиден ракопис за да ги задоволат барањата на рецензентите и уредниците и да бидат прифатени за објавување во списанија со отворен пристап, особено во списанија на повисоко ниво и со фактор на влијание (IF).

Работилницата е наменета за млади научници кои го подготвуваат својот прв ракопис или би сакале да ги подобрат своите вештини за пишување и објавување во научни списанија. Членовите на МААА и членовите на МЗМУ, како и персоналот на Амбасадата на САД и персоналот на Американското катче, ќе имаат приоритет за регистрација врз основа на „Прв дојден-прв услужен“, но веројатно дека ќе остане и некое место и за другата научна јавност во Македонија.

Целта на работилницата е да се зголеми свеста кај младите научници за меѓународните критериуми и стандарди во научното пишување и публикување и да се спречат недолично однесување и измами, плагијат и патологија на авторството во научното издаваштво, како и избегнување на грабливи издавачи и списанија. Дополнително, да се обезбеди практична обука за младите научници со цел да им се овозможи правилна и научно издржана комуникација на нивните резултати од истражувањето и презентација на податоците во ракопис структуриран во „Вовед, методи, резултати и дискусија“ до делот „Заклучок“, како и да развива вештини за критичко читање на објавената литература.

Во прилог е Формуларот за регистрација што треба да се пополни што е можно поскоро.

Програмата за настанот можете да ја симнете ОВДЕ.

Прифаќањето и потврдувањето на учесниците ќе биде по принципот „прв дојден – прв услужен“. Бројот на учесници е ограничен на 25. Пријавување најдоцна до 12 јуни во 12:00 часот. Ве очекуваме да се пријавите. За сите учесници што ќе останат до крајот следуваат СЕРТИФИКАТИ.

Генерален секретар на МЗМУ

Недела на рецензијата - квалитет на рецензијата

Почитувани колешки и колеги,

Сите вас што ве интересира научното публицирање треба да знаете дека оваа работна недела од 16 до 20 септември е прогласена за меѓународна недела на рецензирањето.

Што е недела на рецензирањето?

Неделата на рецензијата е глобален настан во кој се слави основната улога што ја игра рецензијата во одржувањето на научниот квалитет. Настанот обединува поединци, институции и организации кои се посветени на споделување на централната порака дека добрата перспектива, без оглед каква и да е форма или форма што може да ја преземе, е клучна за научните комуникации. Оваа година се одржува петтата по ред под наслов: „Квалитет на рецензијата".

Македонското здружение на медицински уредници (МЗМУ) пред три години за прв пат ја чествуваше оваа недела, а оваа година за втор пат ќе се вклучи во тој меѓународен настан. Настанот РЕЦЕНЗИЈА - ОСНОВЕН ПРИНЦИП НА НАУЧНА КОМУНИКАЦИЈА ќе се одржи утре 19.09.2019 година во просториите на МАНУ од 13:00 до 15:00 часот со следната агенда:

13:00 - 13:20 Квалитет во рецензирањето - базичен процес во публикувањето
Проф. д-р Гордана Ристовска

13:20 - 13:40 Превенција и сузбивање на плагијаризмот
Проф. д-р Дончо Донев

13:40 - 14:00 Етика во рецензирањето
Проф. д-р Владимир Трајковски

14:00 - 15:00 Дискусија и заклучоци