Почитувани студенти,
Задутре 06.02.2023 година започнува втората декада, па поради постојани грешки на одредени студенти должен сум да дадам повторно одредени напомени за полагање на испитите:
- На испит со физичко присуство се доаѓа најмалку 15 минути пред закажаниот термин и се чека пред амфитеатарот. Кој доцни НЕМА да го полага испитот. Може да се подготвува слободно за следната сесија.
- Во оваа сесија нема да има електронско полагање за испитите и вие што сте во странство не ми пишувајте пораки залудно. Доколку од Деканатот не овозможат таков начин на двојно полагање и не го платат екстра на професорите тој начини, нема да има два вида на полагање во иста сесија.
- Испитите од втора декада ќе се полагаат во амфитеатар 4.
- За да се излезе на испит мора да имате освоено 15 ЕКТС поени, да имате електронски пријавен испит, да носите печатена пријава со себе (која е читливо пополнета).
- Пријава се купува многу денови пред испитот, а не во 12:05, бидејќи „Студентскиот сервис“ отвора во 8:00 часот.
- Треба да имате пополнето анкета во Гугл формулар во која декада ќе полагате. На пријавата треба да ја назначите декадата во која ќе полагате.
- На испит се носи индекс или студентска легитимација заради идентификација.
- Морате да имате најмалку 2 пенкала со себе со сина боја. Според Марфи, едното пенкало секогаш престанува да пишува.
- На испитот не се препишува, договара со колега/колешка, не се користи блутут „бубачка во уво“, или било кој друг недозволен начин на полагање.
- Тестовите се пополнуваат читливо и јасно и не се пишува во квадтатите што се наменети за оценување.
- Испитот се полага БЕЗ УРГЕНЦИИ!!!
- Неподготвен не се доаѓа на испит. Нема да делам златници...
- Го задржувам правото на промена на термините заради виша сила.
Предметен наставник
No comments:
Post a Comment