Ја користам оваа прилика да го упатам последниот повик за поднесување на апстркати за ReAttach конференцијата што ќе се одржи во Скопје на 29 и 30 мај 2020 година. Крајниот рок за поднесување на апстракти е 31.12.2019 година. Организатори на конференцијата се ReAttach Foundation од Холандија и Македонско научно здружение за аутизам од Македонија. Секако дека е можно и пасивно учество без труд, а ова особено се однесува на родителите на децата со аутизам и други невроразвојни нарушувања, како и на студентите од ИСЕР и Институтот за психологија. За членовите на МНЗА, родителите, студентите е обезбеден попуст на котизацијата и треба само да испратат барање за добивање на код за попуст на следната е-пошта reattachfoundation@gmail.com. На конференцијата ќе присуствуваат врвни имиња од областа од калибарот на проф. д-р Мануел Казанова и проф. д-р Мохамед Газиудин од САД, проф. д-р Мајкл Фицџералд од Ирска, проф. д-р Донатела Марацити и д-р Кармело Рици од Италија, проф. д-р Александар Полетаев и проф. д-р Дмитри Бутко од Русија, д-р Хана Алоним од Израел и многу други гости од Холандија, Германија, Индија, Индонезија, итн. Прелиминарната програма која секако ќе претрпи уште ажурирања ќе можете да ја видите овде.
Тоа што би сакал посебно да го истакнам е дека на 31 мај 2020 година еминентните гости од странство ќе прават бесплатни прегледи и ќе даваат совети во ГАСПАР центарот во Козле. Предност во правењето на листата на родители ќе имаат оние кои ќе земат учество на конференцијата. Ги замолувам сите заитнересирани родители да го пријават своето учество на следната пошта president@mssa.org.mk. Би сакал да напоменам дека бројот на учесници на конференција, како и бројот на прегледи е строго ограничен и затоа пријавувајте се на време за да не ја пропуштите оваа прилика. Повеќе од 22 години сум во областа на специјалната едукација и рехабилитација и не се сеќавам дека имало повисоки и позначајни гости од оваа област во Македонија.
Претседател на МНЗА
No comments:
Post a Comment