Четири години Journal of Health and Rehabilitation Sciences (JHRS)

Почитувани колешки и колеги, драги студенти,

Денес, 1 август 2026 година со особена чест и чувство на гордост одбележуваме четири години од основањето на Journal of Health and Rehabilitation Sciences (JHRS) – меѓународно научно списание кое за релативно краток временски период успеа да се етаблира како препознатлива платформа за објавување квалитетни научни истражувања од областа на здравствените, медицинските и рехабилитациските науки.

Во изминатите четири години JHRS прерасна во современо списание со меѓународен уредувачки одбор, автори и рецензенти од повеќе континенти, придонесувајќи за ширење на научното знаење, поттикнување на интердисциплинарната соработка и унапредување на научната комуникација.

По овој повод сакам да изразам искрена благодарност до Алма Матер Еуропеа Универзитетот (AMEU) како издавач на списанието, како и до раководството на Универзитетот за континуираната доверба, визија и несебична институционална поддршка. Без нивната посветеност, развојот на JHRS немаше да биде возможен.

Особена благодарност упатувам до сите автори, кои ни ја доверија својата научна работа, до нашите рецензенти, чија стручност, професионалност и посветеност обезбедуваат висок научен квалитет на секој објавен труд, како и до сите членови на Уредувачкиот одбор, кои со своето знаење, меѓународно искуство и ангажман придонесуваат за континуираниот развој и углед на списанието.

Како главен уредник, имав привилегија, но и голема одговорност, во изминатите четири години секојдневно да работам на унапредување на научните и издавачките стандарди на списанието. Зад секој објавен број стојат часови посветена работа, внимателна комуникација со авторите и рецензентите, уредувачки одлуки, организација и постојана заложба JHRS да стане препознатливо и респектирано научно списание во меѓународната академска заедница.

Овој роденден не го гледам како крајна цел, туку како поттик за нови достигнувања. Нашата визија останува непроменета – континуирано унапредување на квалитетот, проширување на меѓународната видливост, вклучување во најрелевантните светски бази на податоци и создавање списание кое ќе биде прв избор за научниците од областа на здравствените и рехабилитациските науки.

Им благодарам на сите што беа дел од ова успешно четиригодишно патување. Вашата доверба, професионалност и поддршка претставуваат најсилната мотивација JHRS да продолжи да расте и да придонесува кон развојот на науката и академската извонредност.

Со почит,

Главен уредник

Journal of Health and Rehabilitation Sciences (JHRS)

Хумана генетика на Мајкрософт Тимс - 2026

Почитувани студенти од ИСЕР,

Како добар ресурс за предавања, видео клипови и слично можат да се искористат материјалите од претходните пандемиски генерации. Исто така, таму ќе треба да се поставуваат вашите семинарски трудови и останати активности. Повелете ЛИНК до предметот на Мајкрософт Тимс. Мора да побарате прием. Почнете веднаш со барање на прием.

Предметен наставник

5. предавање ХГ - онлајн - 24.03.2025

Почитувани студенти,

Во договор со студентката А.Б., креирав отворен линк на МТ на кој ќе можат сите да влезат, дури и да имаат проблем со нивните кориснички имиња или лозинки. Замената за пропуштеното петто предавање и вежби ќе се реализираат утре (понеделник) 24.03.2025 година од 8:00 часот на следниот ЛИНК. Доволно е да имате само  интернет конекција и добра волја и може да се вклучите преку било кој интернет прелистувач. За утре предавањата и вежбите е планирано да се реализираат до некаде околу 12:15.

Предметен наставник

11. предавање ХГ - 07.05.2024

Почитувани студенти,

Поради тоа што утрешниот ден се наоѓа меѓу празник и ден за избори, а од друга страна многумина од вас се од внатрешноста на Македонија, решив 11. предавање и вежби по Хумана генетика да ги одржам онлајн на Мајкрософт Тимс. Бидете утре онлајн десетина минути пред 8:00 часот.

Честит Велигден и Ѓурѓовден!

Предметен наставник 

15 ЕКТС поени онлајн - 29.04.2024

Почитувани студенти,

Во понеделник 29 април ќе организирам онлајн одговарање за 15 ЕКТС поени за сите оние студенти кои живеат надвор од Скопје или Македонија. Во петокот не дојде никој во мојот кабинет. Би сакал да ве предупредам дека до јунската сесија може да има најмногу уште 2-3 термини со физичко присуство. Не ги пропуштајте за да не останете без право за полагање на испитите. Овде е линкот за вклучување со почеток во 9:00 часот.

Предметен наставник

4. предавање ХГ - 16.03.2024

Почитувани студенти,

По договор, ви го проследувам линкот за утрешното (сабота) заменето предавање по Хумана генетика. Ова е замена за пропуштеното предавање во вторникот на 12.03.2024 година. Предавањето ќе започне точно во 9:00 часот. Бидете некоја минута претходно онлајн.

Со почит,

Предметен наставник

24. вебинар „Светските експерти за аутизмот гости на МНЗА“

Почитувани колешки и колеги, драги студенти,

МНЗА продолжува со спроведување на вебинарите „Светските експерти за аутизмот гости на МНЗА“ и веќе на репертоарот во вторник на 07.11.2023 година е д-р Јасир Ахмед Сајед кој ќе предава на тема: „Како хромозомскиот локус 1q21.1 го зголемува ризикот за нарушувања од спектарот на аутизмот“. Вебинарите не се наплатуваат. Потребно е задолжително пријавување на сите заинтересирани на следниот ФОРМУЛАР. За да добиете линк за Мајкрософт Тимс потребно е да оставите точно име и презиме и е-пошта. Сертификат што некому живот значи не се добива.

Ве очекуваме!

Претседател на МНЗА

Завршна онлајн конференција од проектот: „Вклучување преку социјални вештини за ученици со аутизам и интелектуална попреченост“

Почитувани колешки и колеги, драги родители на деца со АСН и ИП,

Имам особена чест да ве поканам на завршната онлајн конференција од Еразмус плус проектот: „Вклучување преку социјални вештини за ученици со аутизам и интелектуална попреченост“ што ќе се одржи преку платформата ЗУМ на 06.11.2023 година со почеток во 17:00 часот. Во последните две години МНЗА, заедно со раководителот на проектот ОУ „Милоје Павловиќ“ од Белград и ФАСПЕР од Белград, Србија направи корисни материјали за наставниците и асистентите кои работат во редвониот образовен систем. Пријавувањето е задолжително на следниот ЛИНК. Само со оставање на точни податоци и точна е-пошта ќе можете да го добиете ЗУМ линкот. Во прилог е програмата на настанот. Го очекуваме вашето присуство и вашиот придонес на самата конференција.

Претседател на МНЗА,

Модератор на конференцијата

15 ЕКТС поени - онлајн 16.01.2023

Почитувани студенти,

Ве поканувам утре 16.01.2023 година во 11:00 часот на платформата Мајкрософт Тимс да одговарате на вашите задачи што ги добивте од средата наваму. Сакам да ви укажам дека ова ви е последната шанса да ги одбраните активностите, доколку сакате да полагате во јануарско- февруарската сесија. Во спротивно, ќе полагате во јунската сесија, а обврските ќе треба да ги завршите до 30 април.

Предметен наставник

Линк за конференцијата во Индија

Почитувани колешки и колеги, драги студенти

Пред неколку месеци преку Фејсбук ви соопштив дека МНЗА е соорганизатор на конференција во Индија со наслов: “Mental Health and Well-being in Post Covid Scenario: A Global perspective”. Онлајн сесијата ќе се одржи токму денес со почеток во 10:00 часот по македонско време. Мојата маленкост ќе има покането предавање со наслов: „Mental Health Issues During The COVID-19 Pandemic In Persons With Autism Spectrum Disorder“ околу 10:30 часот. Ги поканувам сите заинтересирани кои се слободни во тоа време да го проследат предавањето и конференцијата воопшто на следниот ЛИНК.

Претседател на МНЗА

Деветто предавање ФФА - 06.12.2022

Почитувани студенти од ИСЕР,

Деветтото предавање ФФА што требаше да се одржи на празникот, го закажувам за утре (вторник) во 16:00 часот и тоа ќе се реализира онлјан на платформата Мајкрософт Тимс. Подгответе ја убаво вежбата за Ендокирн систем. Веднаш по предавањето следуваат вежбите.

Се гледаме утре!

Со почит,

Предметен наставник

Осмо предавање ФФА - 01.12.2022 онлајн на МТ

Почитувани студенти,

Пред малку ја добив оваа порака од студентот Т.Н.

„Добар ден почитуван професоре. Во име на сите колеги, би сакал да Ве прашам дали би можело утрешниот час да се одржи онлајн на платформата Microsoft Teams, бидејќи има многу болни студенти кои не би сакале да добијат минус? Имајте пријатен ден“.

За да ви излезем пресрет да не губите многумина од вас од наставата, утрешното осмо предавање по ФФА го закажувам онлајн на платформата Мајкрософт Тимс со почеток во 08:00 часот. Веднаш по предавањето ќе се одржат и вежбите сите заедно во една група.

Со почит,

Предметен наставник

3 предавање ФФА поместено онлајн - 20.10.2022

Почитувани студенти од ИСЕР,

На барање на една студентка од вашата генерација, а наводно во договор со целата генерација, заради можен штрајк на ЈСП и заради тоа што секој од вас нема возило или нема можност да плати такси принуден сум утрешното предавање и вежби да ги одржам онлајн на платформата Мајкрософт Тимс на следниот ЛИНК. Вие сте должни да го прочитате третото предавање според силабусот и вториот дел од вежба број 1. Предавањата ќе бидат од 8:00 часот, а вежбите заедно за прва и втора група во 10:45 часот. Присуство и отсуство ќе си се евидентира како и со физичко присуство. Нема да признавам никакви изговори дека не сте знаеле или немате интернет, или не сте влегле на време во тимот. Потребно е најмалку 5 минути пред 8 часот да бидете на платформата.

Со почит,

Предметен наставник

Поканет предавач на конференција во Блед, Словенија

Почитувани посетители,

Ми причинува особено задоволство да ви соопштам дека во петок на 8 април со почеток во 9:00 часот ќе имам гостинско предавање на конференција на колегите и колешките од ДоРеМи центарот од Блед. Имено, на покана на директорката Нуша Пибер, на која и благодарам во оваа пригода, ќе ја презнтирам темата: „Аутизам и музикотерапија“. Бев поканет да одам лично, но Ковид-19, војната во Украина, лошото време и многу други фактори ме спречија во таа реализација. Мојата презентација ќе се одвива преку ЗУМ програмата. Котизацијата на собриот за тие со физичко присуство изнесува скромни 25 евра. Јас успеав да издејствувам за моите постдипломци кои работат тема под мое менторство, за дипломците, или за членовите на МНЗА да можат да го следат само моето предавање бесплатно. Доколку има заинтересирани, нека ми пишат е-пошта да им го пратам линкот. Во продолжение неколку информации за конференцијата низ слики.

Претседател на МНЗА

Први колоквиуми ХГ и МОИ - март 2022

Почитувани студенти,

Иако е малку рано и не знаеме што не` чека утре, но сепак сакам да ги споделам термините за полагање на првите колоквиуми со вас. Тие ќе се полагаат онлајн со вклучена камера и исклучен микрофон. Мора да сте членови на соодветните тимови на Мајкрософт Тимс и Мудл ФЗФ платформите. Прашањата се стандардни како и во изминатите години. Доколку не сте член на некој од тимовите веднаш сторете го тоа и решавајте ги проблемите со ИТ на ФЗФ.

Колоквиумите ќе се полагаат по следниот редослед:

• Хумана генетика на 29.03.2022 во 08:00 часот
• Медицински основи на инвалидноста на 30.03.2022 во 08:00 часот.

Вие треба да бидете 5-10 минути пред времето на МТ платформата. Не се дозволени никакви препишувања, онлајн договарања, доцнења и слично. Македонски се пишува со кирилица, само латински и англиски термини на латиница. На сите што чукаат во латиница ќе им бидат одземени поени. Инсталирајте си МК поддршка! Тестовите се полагаат на компјутер или лап топ, а на мобилен многу тешко. Го задржувам правото на промена на термините заради „виша сила“, а вие сте должни да го следите овој блог.

Предметен наставник

Онлајн одговарање за 15 ЕКТС поени - 18.08.2020

Почитувани студенти,

Како што објавив и претходно сите што предале во изминатиот период задачи за 15 ЕКТС поени, истите ќе треба да ги одбранат преку платформата Мајкрософт Тимс во вторник на 18 август во 12:00 часот. Без исполнување на оваа активност не ви важат поените. Ве молам добро подгответе ги зададените задачи. Во дадениот термин бидете на следниот линк.

Предметен наставник

Онлајн освојување на 15 ЕКТС поени

 Почитувани студенти,

Сите вие кои преку е-пошта испративте изработка на некакви задачи до 31 јули, истите ќе треба да ги одбраните онлјан преку платформата Мајкрософт Тимс. Кој пратил одлично, кој не пратил ќе чека некоја наредна сесија за освојување на 15 ЕКТС поени. За таа цел мора да сте претходно регистрирани и да ми ја пратите е-адресата за да можам да креирам е-училница. Бранењето на интернет ресурсите ќе се изведува наредната седмица во период од 17.08 до 21.08 за што ќе бидете навремено известени преку овој блог или преку е-пошта. Вие сте должни до 13.08. во 12:00 часот да ми ги доставите ваши е-адреси преку кои сте регистрирани во системот на УКИМ за платформата на Мајкрософт Тимс.

Предметен наставник

Онлајн устно полагање на испитите

Почитувани студенти,

Сакам да ве известам дека пријавувањето за онлајн устното полагање на моите испити заврши вчера на 1 јуни. Рокот за пријавување на писмените и устните испити е веќе завршен и јас веќе не можам да примам нови студенти. Овде би сакал да нагласам дека устното полагање не е така едноставно како што некои од вас си замислуваат. Ќе биде потребна голема концентрација, знаење да се одговара есејски, да го знаете целиот материјал. Ќе одговарате 30-45 минути по кандидат. Нема да биде дозволено суфлирање од страна, ниту вртење на погледот во страна со цел читање од учебник, списи и сл. Многу скоро ќе биде објавен и распоредот за полагање на писмените испити со термини и простории, се разбира доколу пандемијата го дозволи тоа.

Предметен наставник

1 година ЈРТДД онлајн

Драги читатели,

Имам особено задоволство да ве известам дека денес 4 мај се навршува една година од списанието Journal for ReAttach Therapy and Developmental Diversities. Денес го славиме првиот роденден. Се надевам дека ги задоволивме вашите вкусови. Предлагам да ја погледнете статистиката на списанието низ следните бројки: 

• Објавени се 14 трудови, во два посебни броја за 2018 година, 
• Авторите доаѓаат од девет држави: Холандија, Индија Бразил, Полска, Тајван, САД, Ирска, Русија и Македонија. 
• Околу 80.000 посети на веб страницата, 
• Стапката на одбиени трудови е 50%, 
• Најчитан труд е: A COMPARISON BETWEEN ELECTRONIC AND PRINTED JOURNALS 400 пати, 
• Најсимнуван труд е: Most downloaded article Effectiveness of reattach therapy in management of emotional dysregulation with OCPD, PTSD, anxiety and stress in young adults со PDF (106 downloads), 
• Околу 100.000 испратени електронски пошти на потенцијалните автори, рецензенти и помеѓу членовите на издавачката канцеларија, 
• Списанието е индексирано во 8 databases, 
• Стотици постови на социјалните медиуми: Facebook, Twitter, LinkedIn и блогот на списанието. 

Овде би сакал да се заблагодарам на изадавачите ReAttach International Foundation од Холандија д-р Paula Weerkamp Bartholemeus и г-дин Frederik Weerkamp за нивното инвестирање и довербата во издавачката канцеларија, на господин Ѓорѓи Поп-Ѓорѓиев нашиот веб администратор за илјадниците вложени часови на изградба на веб страницата JRTDD online, на госпоѓицата Андреа Ивановска нашата техничка секретарка и на сите автори, членови на уредувачкиот одбор и рецензенти кои придонесоа за издавањето на првите два броја.Нека е на здравје,

Главен и договорен уредник на ЈРТДД